Home
Apps About Contact
वैष्णव भजन  »  श्री राधाकृपाकटाक्ष स्तवराज
 
 
శ్రీ రాధాకృపాకటాక్ష స్తవరాజ 
భగవాన శివ       
भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ |
 
 
మునీన్ద్ర–వృన్ద–వన్దితే త్రిలోక–శోక–హారిణి
ప్రసన్న-వక్త్ర-పణ్కజే నికుఞ్జ-భూ-విలాసిని।
వ్రజేన్ద్ర–భాను–నన్దిని వ్రజేన్ద్ర–సూను–సంగతే
కదా కరిష్యసీహ మాం కృపాకటాక్ష–భాజనమ్॥1॥
 
 
అశోక–వృక్ష–వల్లరీ వితాన–మణ్డప–స్థితే
ప్రవాలబాల–పల్లవ ప్రభారుణాంఘ్రి–కోమలే।
వరాభయస్ఫురత్కరే ప్రభూతసమ్పదాలయే
కదా కరిష్యసీహ మాం కృపాకటాక్ష–భాజనమ్॥2॥
 
 
అనఙ్గ-రణ్గ మఙ్గల-ప్రసఙ్గ-భఙ్గుర-భ్రువాం
సవిభ్రమం ససమ్భ్రమం దృగన్త–బాణపాతనైః।
నిరన్తరం వశీకృతప్రతీతనన్దనన్దనే
కదా కరిష్యసీహ మాం కృపాకటాక్ష–భాజనమ్॥3॥
 
 
తడిత్–సువర్ణ–చమ్పక –ప్రదీప్త–గౌర–విగ్రహే
ముఖ–ప్రభా–పరాస్త–కోటి–శారదేన్దుమణ్డలే।
విచిత్ర-చిత్ర సఞ్చరచ్చకోర-శావ-లోచనే
కదా కరిష్యసీహ మాం కృపాకటాక్ష–భాజనమ్॥4॥
 
 
మదోన్మదాతి–యౌవనే ప్రమోద–మాన–మణ్డితే
ప్రియానురాగ–రఞ్జితే కలా–విలాస – పణ్డితే।
అనన్యధన్య–కుఞ్జరాజ్య–కామకేలి–కోవిదే
కదా కరిష్యసీహ మాం కృపాకటాక్ష–భాజనమ్॥5॥
 
 
అశేష–హావభావ–ధీరహీరహార–భూషితే
ప్రభూతశాతకుమ్భ–కుమ్భకుమ్భి–కుమ్భసుస్తని।
ప్రశస్తమన్ద–హాస్యచూర్ణ పూర్ణసౌఖ్య –సాగరే
కదా కరిష్యసీహ మాం కృపాకటాక్ష–భాజనమ్॥6॥
 
 
మృణాల-వాల-వల్లరీ తరఙ్గ-రఙ్గ-దోర్లతే
లతాగ్ర–లాస్య–లోల–నీల–లోచనావలోకనే।
లలల్లులన్మిలన్మనోజ్ఞ–ముగ్ధ–మోహినాశ్రితే
కదా కరిష్యసీహ మాం కృపాకటాక్ష–భాజనమ్॥7॥
 
 
సువర్ణమలికాఞ్చిత –త్రిరేఖ–కమ్బు–కణ్ఠగే
త్రిసూత్ర–మఙ్గలీ-గుణ–త్రిరత్న-దీప్తి–దీధితే।
సలోల–నీలకున్తల–ప్రసూన–గుచ్ఛ–గుమ్ఫితే
కదా కరిష్యసీహ మాం కృపాకటాక్ష–భాజనమ్॥8॥
 
 
నితమ్బ–బిమ్బ–లమ్బమాన–పుష్పమేఖలాగుణే
ప్రశస్తరత్న-కిఙ్కిణీ-కలాప-మధ్య మఞ్జులే।
కరీన్ద్ర–శుణ్డదణ్డికా–వరోహసౌభగోరుకే
కదా కరిష్యసీహ మాం కృపాకటాక్ష–భాజనమ్॥9॥
 
 
అనేక–మన్త్రనాద–మఞ్జు నూపురారవ–స్ఖలత్
సమాజ–రాజహంస–వంశ–నిక్వణాతి–గౌరవే।
విలోలహేమ–వల్లరీ–విడమ్బిచారు–చఙ్క్రమే
కదా కరిష్యసీహ మాం కృపాకటాక్ష–భాజనమ్॥10॥
 
 
అనన్త–కోటి–విష్ణులోక–నమ్ర–పద్మజార్చితే
హిమాద్రిజా–పులోమజా–విరిఞ్చజా-వరప్రదే।
అపార–సిద్ధి–ఋద్ధి–దిగ్ధ–సత్పదాఙ్గులీ-నఖే
కదా కరిష్యసీహ మాం కృపాకటాక్ష–భాజనమ్॥11॥
 
 
మఖేశ్వరి క్రియేశ్వరి స్వధేశ్వరి సురేశ్వరి
త్రివేద–భారతీశ్వరి ప్రమాణ–శాసనేశ్వరి।
రమేశ్వరి క్షమేశ్వరి ప్రమోద–కాననేశ్వరి
వ్రజేశ్వరి వ్రజాధిపే శ్రీరాధికే నమో˜స్తు తే॥12॥
 
 
ఇతీ మమద్భుతం-స్తవం నిశమ్య భానునన్దినీ
కరోతు సన్తతం జనం కృపాకటాక్ష-భాజనమ్।
భవేత్తదైవ సఞ్చిత త్రిరూప–కర్మ నాశనం
లభేత్తదా వ్రజేన్ద్ర–సూను–మణ్డల–ప్రవేశనమ్॥13॥
 
 
రాకాయాం చ సితాష్టమ్యాం దశమ్యాం చ విశుద్ధధీః।
ఏకాదశ్యాం త్రయోదశ్యాం యః పఠేత్సాధకః సుధీః॥14॥
 
 
యం యం కామయతే కామం తం తమాప్నోతి సాధకః।
రాధాకృపాకటాక్షేణ భక్తిఃస్యాత్ ప్రేమలక్షణా॥15॥
 
 
ఊరుదఘ్నే నాభిదఘ్నే హృద్దఘ్నే కణ్ఠదఘ్నకే।
రాధాకుణ్డజలే స్థితా యః పఠేత్ సాధకః శతమ్॥16॥
 
 
తస్య సర్వార్థ సిద్ధిః స్యాద్ వాక్సామర్థ్యం తథా లభేత్।
ఐశ్వర్యం చ లభేత్ సాక్షాద్దృశా పశ్యతి రాధికామ్॥17॥
 
 
తేన స తత్క్షణాదేవ తుష్టా దత్తే మహావరమ్।
యేన పశ్యతి నేత్రాభ్యాం తత్ ప్రియం శ్యామసున్దరమ్॥18॥
 
 
నిత్యలీలా–ప్రవేశం చ దదాతి శ్రీ-వ్రజాధిపః।
అతః పరతరం ప్రార్థ్యం వైష్ణవస్య న విద్యతే॥19॥
 
 
॥ ఇతి శ్రీమదూర్ధ్వామ్నాయే శ్రీరాధికాయాః కృపాకటాక్షస్తోత్రం సమ్పూర్ణమ॥
 
 
 
हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥
 
 
 
  About Us | Contact Us | Privacy Policy | Connect Form
  हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥
  © 2023 vedamrit.in - All Rights Reserved. Developed by ACd