|
| |
| |
ಶ್ರೀ ರಾಧಾಕೃಪಾಕಟಾಕ್ಷ ಸ್ತವರಾಜ  |
| ಭಗವಾನ ಶಿವ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
ಮುನೀನ್ದ್ರ–ವೃನ್ದ–ವನ್ದಿತೇ ತ್ರಿಲೋಕ–ಶೋಕ–ಹಾರಿಣಿ
ಪ್ರಸನ್ನ-ವಕ್ತ್ರ-ಪಣ್ಕಜೇ ನಿಕುಞ್ಜ-ಭೂ-ವಿಲಾಸಿನಿ।
ವ್ರಜೇನ್ದ್ರ–ಭಾನು–ನನ್ದಿನಿ ವ್ರಜೇನ್ದ್ರ–ಸೂನು–ಸಂಗತೇ
ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್॥1॥ |
| |
| |
ಅಶೋಕ–ವೃಕ್ಷ–ವಲ್ಲರೀ ವಿತಾನ–ಮಣ್ಡಪ–ಸ್ಥಿತೇ
ಪ್ರವಾಲಬಾಲ–ಪಲ್ಲವ ಪ್ರಭಾರುಣಾಂಘ್ರಿ–ಕೋಮಲೇ।
ವರಾಭಯಸ್ಫುರತ್ಕರೇ ಪ್ರಭೂತಸಮ್ಪದಾಲಯೇ
ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್॥2॥ |
| |
| |
ಅನಙ್ಗ-ರಣ್ಗ ಮಙ್ಗಲ-ಪ್ರಸಙ್ಗ-ಭಙ್ಗುರ-ಭ್ರುವಾಂ
ಸವಿಭ್ರಮಂ ಸಸಮ್ಭ್ರಮಂ ದೃಗನ್ತ–ಬಾಣಪಾತನೈಃ।
ನಿರನ್ತರಂ ವಶೀಕೃತಪ್ರತೀತನನ್ದನನ್ದನೇ
ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್॥3॥ |
| |
| |
ತಡಿತ್–ಸುವರ್ಣ–ಚಮ್ಪಕ –ಪ್ರದೀಪ್ತ–ಗೌರ–ವಿಗ್ರಹೇ
ಮುಖ–ಪ್ರಭಾ–ಪರಾಸ್ತ–ಕೋಟಿ–ಶಾರದೇನ್ದುಮಣ್ಡಲೇ।
ವಿಚಿತ್ರ-ಚಿತ್ರ ಸಞ್ಚರಚ್ಚಕೋರ-ಶಾವ-ಲೋಚನೇ
ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್॥4॥ |
| |
| |
ಮದೋನ್ಮದಾತಿ–ಯೌವನೇ ಪ್ರಮೋದ–ಮಾನ–ಮಣ್ಡಿತೇ
ಪ್ರಿಯಾನುರಾಗ–ರಞ್ಜಿತೇ ಕಲಾ–ವಿಲಾಸ – ಪಣ್ಡಿತೇ।
ಅನನ್ಯಧನ್ಯ–ಕುಞ್ಜರಾಜ್ಯ–ಕಾಮಕೇಲಿ–ಕೋವಿದೇ
ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್॥5॥ |
| |
| |
ಅಶೇಷ–ಹಾವಭಾವ–ಧೀರಹೀರಹಾರ–ಭೂಷಿತೇ
ಪ್ರಭೂತಶಾತಕುಮ್ಭ–ಕುಮ್ಭಕುಮ್ಭಿ–ಕುಮ್ಭಸುಸ್ತನಿ।
ಪ್ರಶಸ್ತಮನ್ದ–ಹಾಸ್ಯಚೂರ್ಣ ಪೂರ್ಣಸೌಖ್ಯ –ಸಾಗರೇ
ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್॥6॥ |
| |
| |
ಮೃಣಾಲ-ವಾಲ-ವಲ್ಲರೀ ತರಙ್ಗ-ರಙ್ಗ-ದೋರ್ಲತೇ
ಲತಾಗ್ರ–ಲಾಸ್ಯ–ಲೋಲ–ನೀಲ–ಲೋಚನಾವಲೋಕನೇ।
ಲಲಲ್ಲುಲನ್ಮಿಲನ್ಮನೋಜ್ಞ–ಮುಗ್ಧ–ಮೋಹಿನಾಶ್ರಿತೇ
ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್॥7॥ |
| |
| |
ಸುವರ್ಣಮಲಿಕಾಞ್ಚಿತ –ತ್ರಿರೇಖ–ಕಮ್ಬು–ಕಣ್ಠಗೇ
ತ್ರಿಸೂತ್ರ–ಮಙ್ಗಲೀ-ಗುಣ–ತ್ರಿರತ್ನ-ದೀಪ್ತಿ–ದೀಧಿತೇ।
ಸಲೋಲ–ನೀಲಕುನ್ತಲ–ಪ್ರಸೂನ–ಗುಚ್ಛ–ಗುಮ್ಫಿತೇ
ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್॥8॥ |
| |
| |
ನಿತಮ್ಬ–ಬಿಮ್ಬ–ಲಮ್ಬಮಾನ–ಪುಷ್ಪಮೇಖಲಾಗುಣೇ
ಪ್ರಶಸ್ತರತ್ನ-ಕಿಙ್ಕಿಣೀ-ಕಲಾಪ-ಮಧ್ಯ ಮಞ್ಜುಲೇ।
ಕರೀನ್ದ್ರ–ಶುಣ್ಡದಣ್ಡಿಕಾ–ವರೋಹಸೌಭಗೋರುಕೇ
ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್॥9॥ |
| |
| |
ಅನೇಕ–ಮನ್ತ್ರನಾದ–ಮಞ್ಜು ನೂಪುರಾರವ–ಸ್ಖಲತ್
ಸಮಾಜ–ರಾಜಹಂಸ–ವಂಶ–ನಿಕ್ವಣಾತಿ–ಗೌರವೇ।
ವಿಲೋಲಹೇಮ–ವಲ್ಲರೀ–ವಿಡಮ್ಬಿಚಾರು–ಚಙ್ಕ್ರಮೇ
ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್॥10॥ |
| |
| |
ಅನನ್ತ–ಕೋಟಿ–ವಿಷ್ಣುಲೋಕ–ನಮ್ರ–ಪದ್ಮಜಾರ್ಚಿತೇ
ಹಿಮಾದ್ರಿಜಾ–ಪುಲೋಮಜಾ–ವಿರಿಞ್ಚಜಾ-ವರಪ್ರದೇ।
ಅಪಾರ–ಸಿದ್ಧಿ–ಋದ್ಧಿ–ದಿಗ್ಧ–ಸತ್ಪದಾಙ್ಗುಲೀ-ನಖೇ
ಕದಾ ಕರಿಷ್ಯಸೀಹ ಮಾಂ ಕೃಪಾಕಟಾಕ್ಷ–ಭಾಜನಮ್॥11॥ |
| |
| |
ಮಖೇಶ್ವರಿ ಕ್ರಿಯೇಶ್ವರಿ ಸ್ವಧೇಶ್ವರಿ ಸುರೇಶ್ವರಿ
ತ್ರಿವೇದ–ಭಾರತೀಶ್ವರಿ ಪ್ರಮಾಣ–ಶಾಸನೇಶ್ವರಿ।
ರಮೇಶ್ವರಿ ಕ್ಷಮೇಶ್ವರಿ ಪ್ರಮೋದ–ಕಾನನೇಶ್ವರಿ
ವ್ರಜೇಶ್ವರಿ ವ್ರಜಾಧಿಪೇ ಶ್ರೀರಾಧಿಕೇ ನಮೋ˜ಸ್ತು ತೇ॥12॥ |
| |
| |
ಇತೀ ಮಮದ್ಭುತಂ-ಸ್ತವಂ ನಿಶಮ್ಯ ಭಾನುನನ್ದಿನೀ
ಕರೋತು ಸನ್ತತಂ ಜನಂ ಕೃಪಾಕಟಾಕ್ಷ-ಭಾಜನಮ್।
ಭವೇತ್ತದೈವ ಸಞ್ಚಿತ ತ್ರಿರೂಪ–ಕರ್ಮ ನಾಶನಂ
ಲಭೇತ್ತದಾ ವ್ರಜೇನ್ದ್ರ–ಸೂನು–ಮಣ್ಡಲ–ಪ್ರವೇಶನಮ್॥13॥ |
| |
| |
ರಾಕಾಯಾಂ ಚ ಸಿತಾಷ್ಟಮ್ಯಾಂ ದಶಮ್ಯಾಂ ಚ ವಿಶುದ್ಧಧೀಃ।
ಏಕಾದಶ್ಯಾಂ ತ್ರಯೋದಶ್ಯಾಂ ಯಃ ಪಠೇತ್ಸಾಧಕಃ ಸುಧೀಃ॥14॥ |
| |
| |
ಯಂ ಯಂ ಕಾಮಯತೇ ಕಾಮಂ ತಂ ತಮಾಪ್ನೋತಿ ಸಾಧಕಃ।
ರಾಧಾಕೃಪಾಕಟಾಕ್ಷೇಣ ಭಕ್ತಿಃಸ್ಯಾತ್ ಪ್ರೇಮಲಕ್ಷಣಾ॥15॥ |
| |
| |
ಊರುದಘ್ನೇ ನಾಭಿದಘ್ನೇ ಹೃದ್ದಘ್ನೇ ಕಣ್ಠದಘ್ನಕೇ।
ರಾಧಾಕುಣ್ಡಜಲೇ ಸ್ಥಿತಾ ಯಃ ಪಠೇತ್ ಸಾಧಕಃ ಶತಮ್॥16॥ |
| |
| |
ತಸ್ಯ ಸರ್ವಾರ್ಥ ಸಿದ್ಧಿಃ ಸ್ಯಾದ್ ವಾಕ್ಸಾಮರ್ಥ್ಯಂ ತಥಾ ಲಭೇತ್।
ಐಶ್ವರ್ಯಂ ಚ ಲಭೇತ್ ಸಾಕ್ಷಾದ್ದೃಶಾ ಪಶ್ಯತಿ ರಾಧಿಕಾಮ್॥17॥ |
| |
| |
ತೇನ ಸ ತತ್ಕ್ಷಣಾದೇವ ತುಷ್ಟಾ ದತ್ತೇ ಮಹಾವರಮ್।
ಯೇನ ಪಶ್ಯತಿ ನೇತ್ರಾಭ್ಯಾಂ ತತ್ ಪ್ರಿಯಂ ಶ್ಯಾಮಸುನ್ದರಮ್॥18॥ |
| |
| |
ನಿತ್ಯಲೀಲಾ–ಪ್ರವೇಶಂ ಚ ದದಾತಿ ಶ್ರೀ-ವ್ರಜಾಧಿಪಃ।
ಅತಃ ಪರತರಂ ಪ್ರಾರ್ಥ್ಯಂ ವೈಷ್ಣವಸ್ಯ ನ ವಿದ್ಯತೇ॥19॥ |
| |
| |
| ॥ ಇತಿ ಶ್ರೀಮದೂರ್ಧ್ವಾಮ್ನಾಯೇ ಶ್ರೀರಾಧಿಕಾಯಾಃ ಕೃಪಾಕಟಾಕ್ಷಸ್ತೋತ್ರಂ ಸಮ್ಪೂರ್ಣಮ॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|