Home
Apps About Contact
वैष्णव भजन  »  श्री राधाकृपाकटाक्ष स्तवराज
 
 
শ্রী রাধাকৃপাকটাক্ষ স্তবরাজ 
ভগবান শিব       
भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ |
 
 
মুনীন্দ্র–বৃন্দ–বন্দিতে ত্রিলোক–শোক–হারিণি
প্রসন্ন-বক্ত্র-পণ্কজে নিকুঞ্জ-ভূ-বিলাসিনি।
ব্রজেন্দ্র–ভানু–নন্দিনি ব্রজেন্দ্র–সূনু–সংগতে
কদা করিষ্যসীহ মাং কৃপাকটাক্ষ–ভাজনম্॥1॥
 
 
অশোক–বৃক্ষ–বল্লরী বিতান–মণ্ডপ–স্থিতে
প্রবালবাল–পল্লব প্রভারুণাংঘ্রি–কোমলে।
বরাভযস্ফুরত্করে প্রভূতসম্পদালযে
কদা করিষ্যসীহ মাং কৃপাকটাক্ষ–ভাজনম্॥2॥
 
 
অনঙ্গ-রণ্গ মঙ্গল-প্রসঙ্গ-ভঙ্গুর-ভ্রুবাং
সবিভ্রমং সসম্ভ্রমং দৃগন্ত–বাণপাতনৈঃ।
নিরন্তরং বশীকৃতপ্রতীতনন্দনন্দনে
কদা করিষ্যসীহ মাং কৃপাকটাক্ষ–ভাজনম্॥3॥
 
 
তডিত্–সুবর্ণ–চম্পক –প্রদীপ্ত–গৌর–বিগ্রহে
মুখ–প্রভা–পরাস্ত–কোটি–শারদেন্দুমণ্ডলে।
বিচিত্র-চিত্র সঞ্চরচ্চকোর-শাব-লোচনে
কদা করিষ্যসীহ মাং কৃপাকটাক্ষ–ভাজনম্॥4॥
 
 
মদোন্মদাতি–যৌবনে প্রমোদ–মান–মণ্ডিতে
প্রিযানুরাগ–রঞ্জিতে কলা–বিলাস – পণ্ডিতে।
অনন্যধন্য–কুঞ্জরাজ্য–কামকেলি–কোবিদে
কদা করিষ্যসীহ মাং কৃপাকটাক্ষ–ভাজনম্॥5॥
 
 
অশেষ–হাবভাব–ধীরহীরহার–ভূষিতে
প্রভূতশাতকুম্ভ–কুম্ভকুম্ভি–কুম্ভসুস্তনি।
প্রশস্তমন্দ–হাস্যচূর্ণ পূর্ণসৌখ্য –সাগরে
কদা করিষ্যসীহ মাং কৃপাকটাক্ষ–ভাজনম্॥6॥
 
 
মৃণাল-বাল-বল্লরী তরঙ্গ-রঙ্গ-দোর্লতে
লতাগ্র–লাস্য–লোল–নীল–লোচনাবলোকনে।
ললল্লুলন্মিলন্মনোজ্ঞ–মুগ্ধ–মোহিনাশ্রিতে
কদা করিষ্যসীহ মাং কৃপাকটাক্ষ–ভাজনম্॥7॥
 
 
সুবর্ণমলিকাঞ্চিত –ত্রিরেখ–কম্বু–কণ্ঠগে
ত্রিসূত্র–মঙ্গলী-গুণ–ত্রিরত্ন-দীপ্তি–দীধিতে।
সলোল–নীলকুন্তল–প্রসূন–গুচ্ছ–গুম্ফিতে
কদা করিষ্যসীহ মাং কৃপাকটাক্ষ–ভাজনম্॥8॥
 
 
নিতম্ব–বিম্ব–লম্বমান–পুষ্পমেখলাগুণে
প্রশস্তরত্ন-কিঙ্কিণী-কলাপ-মধ্য মঞ্জুলে।
করীন্দ্র–শুণ্ডদণ্ডিকা–বরোহসৌভগোরুকে
কদা করিষ্যসীহ মাং কৃপাকটাক্ষ–ভাজনম্॥9॥
 
 
অনেক–মন্ত্রনাদ–মঞ্জু নূপুরারব–স্খলত্
সমাজ–রাজহংস–বংশ–নিক্বণাতি–গৌরবে।
বিলোলহেম–বল্লরী–বিডম্বিচারু–চঙ্ক্রমে
কদা করিষ্যসীহ মাং কৃপাকটাক্ষ–ভাজনম্॥10॥
 
 
অনন্ত–কোটি–বিষ্ণুলোক–নম্র–পদ্মজার্চিতে
হিমাদ্রিজা–পুলোমজা–বিরিঞ্চজা-বরপ্রদে।
অপার–সিদ্ধি–ঋদ্ধি–দিগ্ধ–সত্পদাঙ্গুলী-নখে
কদা করিষ্যসীহ মাং কৃপাকটাক্ষ–ভাজনম্॥11॥
 
 
মখেশ্বরি ক্রিযেশ্বরি স্বধেশ্বরি সুরেশ্বরি
ত্রিবেদ–ভারতীশ্বরি প্রমাণ–শাসনেশ্বরি।
রমেশ্বরি ক্ষমেশ্বরি প্রমোদ–কাননেশ্বরি
ব্রজেশ্বরি ব্রজাধিপে শ্রীরাধিকে নমো˜স্তু তে॥12॥
 
 
ইতী মমদ্ভুতং-স্তবং নিশম্য ভানুনন্দিনী
করোতু সন্ততং জনং কৃপাকটাক্ষ-ভাজনম্।
ভবেত্তদৈব সঞ্চিত ত্রিরূপ–কর্ম নাশনং
লভেত্তদা ব্রজেন্দ্র–সূনু–মণ্ডল–প্রবেশনম্॥13॥
 
 
রাকাযাং চ সিতাষ্টম্যাং দশম্যাং চ বিশুদ্ধধীঃ।
একাদশ্যাং ত্রযোদশ্যাং যঃ পঠেত্সাধকঃ সুধীঃ॥14॥
 
 
যং যং কামযতে কামং তং তমাপ্নোতি সাধকঃ।
রাধাকৃপাকটাক্ষেণ ভক্তিঃস্যাত্ প্রেমলক্ষণা॥15॥
 
 
ঊরুদঘ্নে নাভিদঘ্নে হৃদ্দঘ্নে কণ্ঠদঘ্নকে।
রাধাকুণ্ডজলে স্থিতা যঃ পঠেত্ সাধকঃ শতম্॥16॥
 
 
তস্য সর্বার্থ সিদ্ধিঃ স্যাদ্ বাক্সামর্থ্যং তথা লভেত্।
ঐশ্বর্যং চ লভেত্ সাক্ষাদ্দৃশা পশ্যতি রাধিকাম্॥17॥
 
 
তেন স তত্ক্ষণাদেব তুষ্টা দত্তে মহাবরম্।
যেন পশ্যতি নেত্রাভ্যাং তত্ প্রিযং শ্যামসুন্দরম্॥18॥
 
 
নিত্যলীলা–প্রবেশং চ দদাতি শ্রী-ব্রজাধিপঃ।
অতঃ পরতরং প্রার্থ্যং বৈষ্ণবস্য ন বিদ্যতে॥19॥
 
 
॥ ইতি শ্রীমদূর্ধ্বাম্নাযে শ্রীরাধিকাযাঃ কৃপাকটাক্ষস্তোত্রং সম্পূর্ণম॥
 
 
 
हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥
 
 
 
  About Us | Contact Us | Privacy Policy | Connect Form
  हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥
  © 2023 vedamrit.in - All Rights Reserved. Developed by ACd