|
| |
| |
ଶ୍ରୀ ଜଗନ୍ନାଥାଷ୍ଟକମ୍  |
| ଶ୍ରୀପାଦ ଶଂକରାଚାର୍ଯ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
କଦାଚିତ କାଲିନ୍ଦିତଟ-ଵିପିନ-ସଙ୍ଗୀତ-ତରଵୋ
ମୁଦାଭୀରୀନାରୀ-ଵଦନକମଲାସ୍ଵାଦ-ମଧୁପଃ।
ରମା-ଶମ୍ଭୁ-ବ୍ରହ୍ମାମରପତି-ଗଣେଶାର୍ଚିତପଦୋ
ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ॥1॥ |
| |
| |
ଭୁଜେ ସଵଯେ ଵେଣୁଂ ଶିରସି ଶିଖିପିଚ୍ଛଂ କଟିତଟେ
ଦୁକୂଲଂ ନେତ୍ରାନ୍ତେ ସହଚରି-କଟାକ୍ଷଂ ଵିଦଧତେ।
ସଦା ଶ୍ରୀମଦ୍ଵୃନ୍ଦାଵନ-ଵସତି-ଲୀଲାପରିଚଯୋ
ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ॥2॥ |
| |
| |
ମହାମ୍ଭୋଧେସ୍ତୀରେ କନକରୁଚିରେ ନୀଲଶିଖରେ
ଵସନ୍ ପ୍ରାସାଦାନ୍ତ ସହଜ-ବଲଭଦ୍ରେଣ ବଲିନା।
ସୁଭଦ୍ରା-ମଧ୍ଯସ୍ଥଃ ସକଲ-ସୁର-ସେଵାଵସରଦୋ
ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ॥3॥ |
| |
| |
କୃପା-ପାରାଵାରଃ ସଜଲ-ଜଲଦ-ଶ୍ରେଣି-ରୁଚିରୋ
ରମାଵାଣୀରାମଃ ସ୍ଫୁରଦମଲ-ପଂକେରୁହମୁଖଃ।
ସୁରେନ୍ଦ୍ରୈରାରାଧ୍ଯଃ ଶ୍ରୁତିଗଣଶିଖା-ଗୀତଚରିତୋ
ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ॥4॥ |
| |
| |
ରଥାରୂଢୋ ଗଚ୍ଛନ୍ ପଥି ମିଲିତ-ଭୂଦେଵ ପଟଲୈଃ
ସ୍ତୁତି ପ୍ରାଦୁର୍ଭାଵଂ ପ୍ରତିପଦମୁପାକର୍ଣ୍ଯ ସଦଯଃ।
ଦଯାସିନ୍ଧୁର୍ବନ୍ଧୁଃ ସକଲଜଗତାଂ ସିନ୍ଧୁସୁତଯା
ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ॥5॥ |
| |
| |
ପରଂବ୍ରହ୍ମାପୀଡଃ କୁଵଲଯ-ଦଲୋତ୍ଫୁଲ୍ଲ-ନଯନୋ
ନିଵାସୀ ନୀଲାଦ୍ରୌ ନିହିତ-ଚରଣୋଽନନ୍ତ-ଶିରସି।
ରସାନନ୍ଦୀ ରାଧା-ସରସ-ଵପୁରାଲିଙ୍ଗନ-ସୁଖୋ
ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ॥6॥ |
| |
| |
ନ ଵୈ ଯାଚେ ରାଜ୍ଯଂ ନ ଚ କନକ-ମାଣିକ୍ଯ-ଵିଭଵଂ
ନ ଯାଚେଽହଂ ରମ୍ଯାଂ ସକଲ-ଜନ-କାମ୍ଯାଂ ଵରଵଧୂମ୍।
ସଦାକାଲେ କାଲେ ପ୍ରମଥପତିନା ଗୀତଚରିତୋ
ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ॥7॥ |
| |
| |
ହର ତ୍ଵଂ ସଂସାରଂ ଦ୍ରୁତତରମସାରଂ ସୁରପତେ
ହର ତ୍ଵଂ ପାପାନାଂ ଵିତତିମପରାଂ ଯାଦଵପତେ!।
ଅହୋ ଦୀନେଽନାଥେ ନିହିତ-ଚରଣୋ ନିଶ୍ଚିତମିଦଂ
ଜଗନ୍ନାଥଃ ସ୍ଵାମୀ ନଯନପଥଗାମୀ ଭଵତୁ ମେ॥8॥ |
| |
| |
ଜଗନ୍ନାଥାଷ୍ଟକଂ ପୁଣ୍ଯଂ ଯଃ ପଠେତ୍ ପ୍ରଯତଃ ଶୁଚି।
ସର୍ଵପାପ-ଵିଶୁଦ୍ଧାତ୍ମା ଵିଷ୍ଣୁଲୋକଂ ସ ଗଚ୍ଛତି॥9॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|