|
| |
| |
ಶ್ರೀ ಜಗನ್ನಾಥಾಷ್ಟಕಮ್‌  |
| ಶ್ರೀಪಾದ ಶಂಕರಾಚಾರ್ಯ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
ಕದಾಚಿತ ಕಾಲಿನ್ದಿತಟ-ವಿಪಿನ-ಸಙ್ಗೀತ-ತರವೋ
ಮುದಾಭೀರೀನಾರೀ-ವದನಕಮಲಾಸ್ವಾದ-ಮಧುಪಃ।
ರಮಾ-ಶಮ್ಭು-ಬ್ರಹ್ಮಾಮರಪತಿ-ಗಣೇಶಾರ್ಚಿತಪದೋ
ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ॥1॥ |
| |
| |
ಭುಜೇ ಸವಯೇ ವೇಣುಂ ಶಿರಸಿ ಶಿಖಿಪಿಚ್ಛಂ ಕಟಿತಟೇ
ದುಕೂಲಂ ನೇತ್ರಾನ್ತೇ ಸಹಚರಿ-ಕಟಾಕ್ಷಂ ವಿದಧತೇ।
ಸದಾ ಶ್ರೀಮದ್‌ವೃನ್ದಾವನ-ವಸತಿ-ಲೀಲಾಪರಿಚಯೋ
ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ॥2॥ |
| |
| |
ಮಹಾಮ್ಭೋಧೇಸ್ತೀರೇ ಕನಕರುಚಿರೇ ನೀಲಶಿಖರೇ
ವಸನ್‌ ಪ್ರಾಸಾದಾನ್ತ ಸಹಜ-ಬಲಭದ್ರೇಣ ಬಲಿನಾ।
ಸುಭದ್ರಾ-ಮಧ್ಯಸ್ಥಃ ಸಕಲ-ಸುರ-ಸೇವಾವಸರದೋ
ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ॥3॥ |
| |
| |
ಕೃಪಾ-ಪಾರಾವಾರಃ ಸಜಲ-ಜಲದ-ಶ್ರೇಣಿ-ರುಚಿರೋ
ರಮಾವಾಣೀರಾಮಃ ಸ್ಫುರದಮಲ-ಪಂಕೇರುಹಮುಖಃ।
ಸುರೇನ್ದ್ರೈರಾರಾಧ್ಯಃ ಶ್ರುತಿಗಣಶಿಖಾ-ಗೀತಚರಿತೋ
ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ॥4॥ |
| |
| |
ರಥಾರೂಢೋ ಗಚ್ಛನ್‌ ಪಥಿ ಮಿಲಿತ-ಭೂದೇವ ಪಟಲೈಃ
ಸ್ತುತಿ ಪ್ರಾದುರ್ಭಾವಂ ಪ್ರತಿಪದಮುಪಾಕರ್ಣ್ಯ ಸದಯಃ।
ದಯಾಸಿನ್ಧುರ್ಬನ್ಧುಃ ಸಕಲಜಗತಾಂ ಸಿನ್ಧುಸುತಯಾ
ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ॥5॥ |
| |
| |
ಪರಂಬ್ರಹ್ಮಾಪೀಡಃ ಕುವಲಯ-ದಲೋತ್ಫುಲ್ಲ-ನಯನೋ
ನಿವಾಸೀ ನೀಲಾದ್ರೌ ನಿಹಿತ-ಚರಣೋಽನನ್ತ-ಶಿರಸಿ।
ರಸಾನನ್ದೀ ರಾಧಾ-ಸರಸ-ವಪುರಾಲಿಙ್ಗನ-ಸುಖೋ
ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ॥6॥ |
| |
| |
ನ ವೈ ಯಾಚೇ ರಾಜ್ಯಂ ನ ಚ ಕನಕ-ಮಾಣಿಕ್ಯ-ವಿಭವಂ
ನ ಯಾಚೇಽಹಂ ರಮ್ಯಾಂ ಸಕಲ-ಜನ-ಕಾಮ್ಯಾಂ ವರವಧೂಮ್।
ಸದಾಕಾಲೇ ಕಾಲೇ ಪ್ರಮಥಪತಿನಾ ಗೀತಚರಿತೋ
ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ॥7॥ |
| |
| |
ಹರ ತ್ವಂ ಸಂಸಾರಂ ದ್ರುತತರಮಸಾರಂ ಸುರಪತೇ
ಹರ ತ್ವಂ ಪಾಪಾನಾಂ ವಿತತಿಮಪರಾಂ ಯಾದವಪತೇ!।
ಅಹೋ ದೀನೇಽನಾಥೇ ನಿಹಿತ-ಚರಣೋ ನಿಶ್ಚಿತಮಿದಂ
ಜಗನ್ನಾಥಃ ಸ್ವಾಮೀ ನಯನಪಥಗಾಮೀ ಭವತು ಮೇ॥8॥ |
| |
| |
ಜಗನ್ನಾಥಾಷ್ಟಕಂ ಪುಣ್ಯಂ ಯಃ ಪಠೇತ್‌ ಪ್ರಯತಃ ಶುಚಿ।
ಸರ್ವಪಾಪ-ವಿಶುದ್ಧಾತ್ಮಾ ವಿಷ್ಣುಲೋಕಂ ಸ ಗಚ್ಛತಿ॥9॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|