|
| |
| |
ଶ୍ରୀ ଚୈତନ୍ଯାଷ୍ଟକମ୍  |
| ଶ୍ରୀଲ ରୂପ ଗୋସ୍ଵାମୀ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
ସଦୋପାସ୍ଯଃ ଶ୍ରୀମାନ୍ ଧୃତ - ମନୁଜ - କାଯୈଃ ପ୍ରଣଯିତାଂ
ଵହଦ୍ଭିର୍ଗୀର୍ଵାଣୈର୍ଗିରିଶ - ପରମେଷ୍ଠିପ୍ରଭୃତିଭିଃ ।
ସ୍ଵଭକ୍ତେଭ୍ଯଃ ଶୁଦ୍ଧାଂ ନିଜ-ଭଜନ - ମୁଦ୍ରାମୁପଦିଶନ୍
ସ ଚୈତନ୍ଯଃ କିଂ ମେ ପୁନରପି ଦୃଶୋର୍ଯାସ୍ଯତି ପଦମ୍ ॥ 1 ॥
ସୁରେଶାନାଂ ଦୁର୍ଗଂ ଗତିରତିଶଯେନୋପନିଷଦାଂ
ମୁନୀନାଂ ସର୍ଵସ୍ଵଂ ପ୍ରଣତପଟଲୀନାଂ ମଧୁରିମା ।
ଵିନିର୍ଯାସଃ ପ୍ରେମ୍ଣୋ ନିଖିଲ - ପଶୁପାଲାମ୍ବୁଜ - ଦୃଶାଂ
ସ ଚୈତନ୍ଯଃ କିଂ ମେ ପୁନରପି ଦୃଶୋର୍ଯାସ୍ଯତି ପଦମ୍ ॥ 2 ॥
ସ୍ଵରୂପଂ ବିଭ୍ରାଣୋ ଜଗଦତୁଲମଦ୍ଵୈତ - ଦଯିତଃ
ପ୍ରପନ୍ନ - ଶ୍ରୀଵାସୋ ଜନିତ - ପରମାନନ୍ଦ - ଗରିମା ।
ହରିଦନୋଦ୍ଧାରୀ ଗଜପତି - କୃପୌତ୍ସେକ - ତରଲଃ
ସ ଚୈତନ୍ଯଃ କିଂ ମେ ପୁନରପି ଦୃଶୋର୍ଯାସ୍ଯତି ପଦମ୍ ॥3 ॥ |
| |
| |
ରସୋଦ୍ଦାମା କାମାର୍ବୁଦ-ମଧୁର-ଧାମୋଜ୍ଜ୍ଵଲ-ତନୁ-
ର୍ଯତୀନାମୁତ୍ତଂସସ୍ତରଣି-କର- ଵିଦ୍ଯୋତି-ଵସନଃ ।
ହିରଣ୍ଯାନାଂ ଲକ୍ଷ୍ମୀଭରମଭିଭଵନ୍ନାଙ୍ଗିକ- ରୁଚା
ସ ଚୈତନ୍ଯଃ କିଂ ମେ ପୁନରପି ଦୃଶୋର୍ଯାସ୍ଯତି ପଦମ୍ ॥4॥
ହରେ କୃଷ୍ଣେତ୍ଯୁଚ୍ଚୈଃ ସ୍ଫୁରିତ - ରସନୋ ନାମଗଣନା-
କୃତ - ଗ୍ରନ୍ଥି ଶ୍ରେଣୀ - ସୁଭଗ- କଟିସୂତ୍ରୋଜ୍ଜ୍ଵଲ- କରଃ ।
ଵିଶାଲାକ୍ଷୋ ଦୀର୍ଘାର୍ଗଲ - ଯୁଗଲ-ଖେଲାଞ୍ଚିତ - ଭୁଜଃ
ସ ଚୈତନ୍ଯଃ କିଂ ମେ ପୁନରପି ଦୃଶୋର୍ଯାସ୍ଯତି ପଦମ୍ ॥5॥ |
| |
| |
ପଯୋରାଶେସ୍ତୀରେ ସ୍ଫୁରଦୁପଵନାଲୀ - କଲନଯା
ମୁହୁର୍ଵୃନ୍ଦାରଣ୍ଯ - ସ୍ମରଣ - ଜନିତ ପ୍ରେମ ଵିଵଶଃ ।
କ୍ଵଚିତ୍ କୃଷ୍ଣାଵୃତ୍ତି - ପ୍ରଚଲ- ରସନୋ - ଭକ୍ତି - ରସିକଃ
ସ ଚୈତନ୍ଯଃ କିଂ ମେ ପୁନରପି ଦୃଶୋର୍ଯାସ୍ଯତି ପଦମ୍ ॥6॥ |
| |
| |
ରଥାରୂଢସ୍ଯାରାଦଧିପଦଵି ନୀଲାଚଲ - ପତେ -
ରଦଭ୍ର - ପ୍ରେମୋର୍ମି- ସ୍ଫୁରିତ - ନଟନୋଲ୍ଲାସ - ଵିଵଶଃ ।
ସହର୍ଷଂ ଗାଯଦ୍ଭିଃ ପରିଵୃତ - ତନୁର୍ଵୈଷ୍ଣଵ - ଜନୈଃ
ସ ଚୈତନ୍ଯଃ କିଂ ମେ ପୁନରପି ଦୃଶୋର୍ଯାସ୍ଯତି ପଦମ୍ ॥7॥ |
| |
| |
ଭୁଵଂ ସିଞ୍ଚନ୍ନଶ୍ରୁ - ସ୍ରୁତିଭିରଭିତଃ ସାନ୍ଦ୍ର- ପୁଲକୈଃ
ପରୀତାଙ୍ଗୋ ନୀପ - ସ୍ତବକ - ନଵ - କିଞ୍ଜଲ୍କ - ଜଯିଭିଃ ।
ଘନ - ସ୍ଵେଦ - ସ୍ତୋମ - ସ୍ତିମିତ - ତନୁରୁତ୍କୀର୍ତନ - ସୁଖୀ
ସ ଚୈତନ୍ଯଃ କିଂ ମେ ପୁନରପି ଦୃଶୋର୍ଯାସ୍ଯତି ପଦମ୍ ॥8॥
ଅଧୀତେ ଗୌରାଙ୍ଗ - ସ୍ମରଣ - ପଦଵୀ - ମଙ୍ଗଲତରଂ
କୃତୀ ଯୋ ଵିଶ୍ରମ୍ଭ- ସ୍ଫୁରଦମଲଧୀରଷ୍ଟକମିଦମ୍ ।
ପରାନନ୍ଦେ ସଦ୍ଯସ୍ତଦମଲ ପଦାମ୍ଭୋଜ - ଯୁଗଲେ
ପରିସ୍ଫାରା ତସ୍ଯ ସ୍ଫୁରତୁ ନିତରାଂ ପ୍ରେମଲହରୀ ॥9॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|