|
| |
| |
শ্রী চৈতন্যাষ্টকম্  |
| শ্রীল রূপ গোস্বামী |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
সদোপাস্যঃ শ্রীমান্ ধৃত - মনুজ - কাযৈঃ প্রণযিতাং
বহদ্ভির্গীর্বাণৈর্গিরিশ - পরমেষ্ঠিপ্রভৃতিভিঃ ।
স্বভক্তেভ্যঃ শুদ্ধাং নিজ-ভজন - মুদ্রামুপদিশন্
স চৈতন্যঃ কিং মে পুনরপি দৃশোর্যাস্যতি পদম্ ॥ 1 ॥
সুরেশানাং দুর্গং গতিরতিশযেনোপনিষদাং
মুনীনাং সর্বস্বং প্রণতপটলীনাং মধুরিমা ।
বিনির্যাসঃ প্রেম্ণো নিখিল - পশুপালাম্বুজ - দৃশাং
স চৈতন্যঃ কিং মে পুনরপি দৃশোর্যাস্যতি পদম্ ॥ 2 ॥
স্বরূপং বিভ্রাণো জগদতুলমদ্বৈত - দযিতঃ
প্রপন্ন - শ্রীবাসো জনিত - পরমানন্দ - গরিমা ।
হরিদনোদ্ধারী গজপতি - কৃপৌত্সেক - তরলঃ
স চৈতন্যঃ কিং মে পুনরপি দৃশোর্যাস্যতি পদম্ ॥3 ॥ |
| |
| |
রসোদ্দামা কামার্বুদ-মধুর-ধামোজ্জ্বল-তনু-
র্যতীনামুত্তংসস্তরণি-কর- বিদ্যোতি-বসনঃ ।
হিরণ্যানাং লক্ষ্মীভরমভিভবন্নাঙ্গিক- রুচা
স চৈতন্যঃ কিং মে পুনরপি দৃশোর্যাস্যতি পদম্ ॥4॥
হরে কৃষ্ণেত্যুচ্চৈঃ স্ফুরিত - রসনো নামগণনা-
কৃত - গ্রন্থি শ্রেণী - সুভগ- কটিসূত্রোজ্জ্বল- করঃ ।
বিশালাক্ষো দীর্ঘার্গল - যুগল-খেলাঞ্চিত - ভুজঃ
স চৈতন্যঃ কিং মে পুনরপি দৃশোর্যাস্যতি পদম্ ॥5॥ |
| |
| |
পযোরাশেস্তীরে স্ফুরদুপবনালী - কলনযা
মুহুর্বৃন্দারণ্য - স্মরণ - জনিত প্রেম বিবশঃ ।
ক্বচিত্ কৃষ্ণাবৃত্তি - প্রচল- রসনো - ভক্তি - রসিকঃ
স চৈতন্যঃ কিং মে পুনরপি দৃশোর্যাস্যতি পদম্ ॥6॥ |
| |
| |
রথারূঢস্যারাদধিপদবি নীলাচল - পতে -
রদভ্র - প্রেমোর্মি- স্ফুরিত - নটনোল্লাস - বিবশঃ ।
সহর্ষং গাযদ্ভিঃ পরিবৃত - তনুর্বৈষ্ণব - জনৈঃ
স চৈতন্যঃ কিং মে পুনরপি দৃশোর্যাস্যতি পদম্ ॥7॥ |
| |
| |
ভুবং সিঞ্চন্নশ্রু - স্রুতিভিরভিতঃ সান্দ্র- পুলকৈঃ
পরীতাঙ্গো নীপ - স্তবক - নব - কিঞ্জল্ক - জযিভিঃ ।
ঘন - স্বেদ - স্তোম - স্তিমিত - তনুরুত্কীর্তন - সুখী
স চৈতন্যঃ কিং মে পুনরপি দৃশোর্যাস্যতি পদম্ ॥8॥
অধীতে গৌরাঙ্গ - স্মরণ - পদবী - মঙ্গলতরং
কৃতী যো বিশ্রম্ভ- স্ফুরদমলধীরষ্টকমিদম্ ।
পরানন্দে সদ্যস্তদমল পদাম্ভোজ - যুগলে
পরিস্ফারা তস্য স্ফুরতু নিতরাং প্রেমলহরী ॥9॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|