Home
Apps About Contact
वैष्णव भजन  »  श्री चैतन्याष्टकम्
 
 
ശ്രീ ചൈതന്യാഷ്ടകമ് 
ശ്രീല രൂപ ഗോസ്വാമീ       
भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ |
 
 
സദോപാസ്യഃ ശ്രീമാന് ധൃത - മനുജ - കായൈഃ പ്രണയിതാം
വഹദ്ഭിര്ഗീര്വാണൈര്ഗിരിശ - പരമേഷ്ഠിപ്രഭൃതിഭിഃ ।
സ്വഭക്തേഭ്യഃ ശുദ്ധാം നിജ-ഭജന - മുദ്രാമുപദിശന്
സ ചൈതന്യഃ കിം മേ പുനരപി ദൃശോര്യാസ്യതി പദമ് ॥ 1 ॥
സുരേശാനാം ദുര്ഗം ഗതിരതിശയേനോപനിഷദാം
മുനീനാം സര്വസ്വം പ്രണതപടലീനാം മധുരിമാ ।
വിനിര്യാസഃ പ്രേമ്ണോ നിഖില - പശുപാലാമ്ബുജ - ദൃശാം
സ ചൈതന്യഃ കിം മേ പുനരപി ദൃശോര്യാസ്യതി പദമ് ॥ 2 ॥
സ്വരൂപം ബിഭ്രാണോ ജഗദതുലമദ്വൈത - ദയിതഃ
പ്രപന്ന - ശ്രീവാസോ ജനിത - പരമാനന്ദ - ഗരിമാ ।
ഹരിദനോദ്ധാരീ ഗജപതി - കൃപൌത്സേക - തരലഃ
സ ചൈതന്യഃ കിം മേ പുനരപി ദൃശോര്യാസ്യതി പദമ് ॥3 ॥
 
 
രസോദ്ദാമാ കാമാര്ബുദ-മധുര-ധാമോജ്ജ്വല-തനു-
ര്യതീനാമുത്തംസസ്തരണി-കര- വിദ്യോതി-വസനഃ ।
ഹിരണ്യാനാം ലക്ഷ്മീഭരമഭിഭവന്നാങ്ഗിക- രുചാ
സ ചൈതന്യഃ കിം മേ പുനരപി ദൃശോര്യാസ്യതി പദമ് ॥4॥
ഹരേ കൃഷ്ണേത്യുച്ചൈഃ സ്ഫുരിത - രസനോ നാമഗണനാ-
കൃത - ഗ്രന്ഥി ശ്രേണീ - സുഭഗ- കടിസൂത്രോജ്ജ്വല- കരഃ ।
വിശാലാക്ഷോ ദീര്ഘാര്ഗല - യുഗല-ഖേലാഞ്ചിത - ഭുജഃ
സ ചൈതന്യഃ കിം മേ പുനരപി ദൃശോര്യാസ്യതി പദമ് ॥5॥
 
 
പയോരാശേസ്തീരേ സ്ഫുരദുപവനാലീ - കലനയാ
മുഹുര്വൃന്ദാരണ്യ - സ്മരണ - ജനിത പ്രേമ വിവശഃ ।
ക്വചിത് കൃഷ്ണാവൃത്തി - പ്രചല- രസനോ - ഭക്തി - രസികഃ
സ ചൈതന്യഃ കിം മേ പുനരപി ദൃശോര്യാസ്യതി പദമ് ॥6॥
 
 
രഥാരൂഢസ്യാരാദധിപദവി നീലാചല - പതേ -
രദഭ്ര - പ്രേമോര്മി- സ്ഫുരിത - നടനോല്ലാസ - വിവശഃ ।
സഹര്ഷം ഗായദ്ഭിഃ പരിവൃത - തനുര്വൈഷ്ണവ - ജനൈഃ
സ ചൈതന്യഃ കിം മേ പുനരപി ദൃശോര്യാസ്യതി പദമ് ॥7॥
 
 
ഭുവം സിഞ്ചന്നശ്രു - സ്രുതിഭിരഭിതഃ സാന്ദ്ര- പുലകൈഃ
പരീതാങ്ഗോ നീപ - സ്തബക - നവ - കിഞ്ജല്ക - ജയിഭിഃ ।
ഘന - സ്വേദ - സ്തോമ - സ്തിമിത - തനുരുത്കീര്തന - സുഖീ
സ ചൈതന്യഃ കിം മേ പുനരപി ദൃശോര്യാസ്യതി പദമ് ॥8॥
അധീതേ ഗൌരാങ്ഗ - സ്മരണ - പദവീ - മങ്ഗലതരം
കൃതീ യോ വിശ്രമ്ഭ- സ്ഫുരദമലധീരഷ്ടകമിദമ് ।
പരാനന്ദേ സദ്യസ്തദമല പദാമ്ഭോജ - യുഗലേ
പരിസ്ഫാരാ തസ്യ സ്ഫുരതു നിതരാം പ്രേമലഹരീ ॥9॥
 
 
 
हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥
 
 
 
  Connect Form
  हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥
  © 2026 vedamrit.in All Rights Reserved. Developed by ACd