|
| |
| |
શ્રી ચૈતન્યાષ્ટકમ્  |
| શ્રીલ રૂપ ગોસ્વામી |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
સદોપાસ્યઃ શ્રીમાન્ ધૃત - મનુજ - કાયૈઃ પ્રણયિતાં
વહદ્ભિર્ગીર્વાણૈર્ગિરિશ - પરમેષ્ઠિપ્રભૃતિભિઃ ।
સ્વભક્તેભ્યઃ શુદ્ધાં નિજ-ભજન - મુદ્રામુપદિશન્
સ ચૈતન્યઃ કિં મે પુનરપિ દૃશોર્યાસ્યતિ પદમ્ ॥ 1 ॥
સુરેશાનાં દુર્ગં ગતિરતિશયેનોપનિષદાં
મુનીનાં સર્વસ્વં પ્રણતપટલીનાં મધુરિમા ।
વિનિર્યાસઃ પ્રેમ્ણો નિખિલ - પશુપાલામ્બુજ - દૃશાં
સ ચૈતન્યઃ કિં મે પુનરપિ દૃશોર્યાસ્યતિ પદમ્ ॥ 2 ॥
સ્વરૂપં બિભ્રાણો જગદતુલમદ્વૈત - દયિતઃ
પ્રપન્ન - શ્રીવાસો જનિત - પરમાનન્દ - ગરિમા ।
હરિદનોદ્ધારી ગજપતિ - કૃપૌત્સેક - તરલઃ
સ ચૈતન્યઃ કિં મે પુનરપિ દૃશોર્યાસ્યતિ પદમ્ ॥3 ॥ |
| |
| |
રસોદ્દામા કામાર્બુદ-મધુર-ધામોજ્જ્વલ-તનુ-
ર્યતીનામુત્તંસસ્તરણિ-કર- વિદ્યોતિ-વસનઃ ।
હિરણ્યાનાં લક્ષ્મીભરમભિભવન્નાઙ્ગિક- રુચા
સ ચૈતન્યઃ કિં મે પુનરપિ દૃશોર્યાસ્યતિ પદમ્ ॥4॥
હરે કૃષ્ણેત્યુચ્ચૈઃ સ્ફુરિત - રસનો નામગણના-
કૃત - ગ્રન્થિ શ્રેણી - સુભગ- કટિસૂત્રોજ્જ્વલ- કરઃ ।
વિશાલાક્ષો દીર્ઘાર્ગલ - યુગલ-ખેલાઞ્ચિત - ભુજઃ
સ ચૈતન્યઃ કિં મે પુનરપિ દૃશોર્યાસ્યતિ પદમ્ ॥5॥ |
| |
| |
પયોરાશેસ્તીરે સ્ફુરદુપવનાલી - કલનયા
મુહુર્વૃન્દારણ્ય - સ્મરણ - જનિત પ્રેમ વિવશઃ ।
ક્વચિત્ કૃષ્ણાવૃત્તિ - પ્રચલ- રસનો - ભક્તિ - રસિકઃ
સ ચૈતન્યઃ કિં મે પુનરપિ દૃશોર્યાસ્યતિ પદમ્ ॥6॥ |
| |
| |
રથારૂઢસ્યારાદધિપદવિ નીલાચલ - પતે -
રદભ્ર - પ્રેમોર્મિ- સ્ફુરિત - નટનોલ્લાસ - વિવશઃ ।
સહર્ષં ગાયદ્ભિઃ પરિવૃત - તનુર્વૈષ્ણવ - જનૈઃ
સ ચૈતન્યઃ કિં મે પુનરપિ દૃશોર્યાસ્યતિ પદમ્ ॥7॥ |
| |
| |
ભુવં સિઞ્ચન્નશ્રુ - સ્રુતિભિરભિતઃ સાન્દ્ર- પુલકૈઃ
પરીતાઙ્ગો નીપ - સ્તબક - નવ - કિઞ્જલ્ક - જયિભિઃ ।
ઘન - સ્વેદ - સ્તોમ - સ્તિમિત - તનુરુત્કીર્તન - સુખી
સ ચૈતન્યઃ કિં મે પુનરપિ દૃશોર્યાસ્યતિ પદમ્ ॥8॥
અધીતે ગૌરાઙ્ગ - સ્મરણ - પદવી - મઙ્ગલતરં
કૃતી યો વિશ્રમ્ભ- સ્ફુરદમલધીરષ્ટકમિદમ્ ।
પરાનન્દે સદ્યસ્તદમલ પદામ્ભોજ - યુગલે
પરિસ્ફારા તસ્ય સ્ફુરતુ નિતરાં પ્રેમલહરી ॥9॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|