|
| |
| |
શ્રી યુગલકિશોરાષ્ટકમ્  |
| શ્રીલ રૂપ ગોસ્વામી |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
નવજલધર - વિદ્યુદ્દ્દ્યોત - વર્ણૌ પ્રસન્નૌ
વદન-નયન-પદ્મૌ ચારુ - ચન્દ્રાવતંસૌ ।
અલક-તિલક-ભાલૌ કેશવેશ - પ્રફુલ્લૌ
ભજ ભજ તુ મનો રે રાધિકા - કૃષ્ણચન્દ્રૌ ॥1॥ |
| |
| |
વસન - હરિત - નીલૌ ચન્દનાલેપનાઙ્ગૌ
મણિ - મરકત દીપ્તૌ સ્વર્ણમાલા - પ્રયુક્તૌ ।
કનક- વલય- હસ્તૌ રાસનાટ્ય પ્રસક્તૌ
ભજ ભજ તુ મનો રે રાધિકા - કૃષ્ણચન્દ્રૌ॥2॥ |
| |
| |
અતિ-મતિહર-વેશૌ રઙ્ગ-ભઙ્ગી-ત્રિભઙ્ગૌ
મધુર - મૃદુલ - હાસ્યૌ કુણ્ડલાકીર્ણ- કર્ણૌ ।
નટવર-વર - રમ્યૌ નૃત્યગીતાનુરક્તૌ
ભજ ભજ તુ મનો રે રાધિકા - કૃષ્ણચન્દ્રૌ॥3॥ |
| |
| |
વિવિધ-ગુણ- વિદગ્ધૌ વન્દનીયૌ સુવેશૌ
મણિમય મકરાદ્યૈઃ શોભિતાઙ્ગૌ સ્ફુરન્તૌ ।
સ્મિત- નમિત કટાક્ષૌ ધર્મ કર્મ પ્રદત્તૌ
ભજ ભજ તુ મનો રે રાધિકા - કૃષ્ણચન્દ્રૌ॥4॥ |
| |
| |
કનક- મુકુટ - ચૂડૌ પુષ્પિતોદ્ભૂષિતાઙ્ગૌ
સકલ-વન- નિવિષ્ટૌ સુન્દરાનન્દ - પુઞ્જૌ ।
ચરણ-કમલ- દિવ્યૌ દેવદેવાદિ સેવ્યૌ
ભજ ભજ તુ મનો રે રાધિકા - કૃષ્ણચન્દ્રૌ॥5॥ |
| |
| |
અતિ - સુવલિત - ગાત્રૌ ગન્ધમાલ્યૈર્વિરાજૌ
કતિ કતિ રમણીનાં સેવ્યમાનૌ સુવેશૌ ।
મુનિ - સુર- ગણ - ભાવ્યૌ વેદશાસ્ત્રાદિ - વિજ્ઞૌ
ભજ ભજ તુ મનો રે રાધિકા - કૃષ્ણચન્દ્રૌ॥6॥ |
| |
| |
અતિ- સુમધુર - મૂર્તી દુષ્ટ-દર્પ- પ્રશાન્તૌ
સુરવર - વરદૌ દ્વૌ સર્વસિદ્ધિ પ્રદાનૌ ।
અતિરસવશ-મગ્નૌ ગીતવાદ્યૈર્વિતાનૌ
ભજ ભજ તુ મનો રે રાધિકા - કૃષ્ણચન્દ્રૌ॥7॥ |
| |
| |
અગમ - નિગમ - સારૌ સૃષ્ટિ - સંહાર - કારૌ
વયસિ નવકિશોરૌ નિત્યવૃન્દાવનસ્થૌ ।
શમનભય-વિનાશૌ પાપિનસ્તારયન્તૌ
ભજ ભજ તુ મનો રે રાધિકા - કૃષ્ણચન્દ્રૌ॥8॥ |
| |
| |
ઇદં મનોહરં સ્તોત્રં શ્રદ્ધયા યઃ પઠેન્નરઃ ।
રાધિકા - કૃષ્ણચન્દ્રૌ ચ સિદ્ધિદૌ નાત્ર સંશયઃ॥9॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|