|
| |
| |
ശ്രീ രാധികാഷ്ടകമ് (1)  |
| ശ്രീല രൂപ ഗോസ്വാമീ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
ദിശി ദിശി രചയന്തീം സംചരന്നേത്രലക്ഷ്മീ-
വിലസിത - ഖുരലീഭിഃ ഖഞ്ജരീടസ്യ ഖേലാമ് ।
ഹൃദയമധുപമല്ലീം ബല്ലവാധീശസൂനോ-
രഖില - ഗുണ - ഗഭീരാം രാധികാമര്ചയാമി॥1॥ |
| |
| |
പിതുരിഹ വൃഷഭാനോരന്വവായ - പ്രശസ്തിം
ജഗതി കില സമസ്തേ സുഷ്ഠു വിസ്താരയന്തീമ് ।
വ്രജനൃപതികുമാരം ഖേലയന്തീം സഖീഭിഃ
സുരഭിണി നിജകുണ്ഡേ രാധികാമര്ചയാമി॥2॥ |
| |
| |
ശരദുപചിത- രാകാ - കൌമുദീനാഥ - കീര്തി-
പ്രകര- ദമനദീക്ഷാ- ദക്ഷിണ - സ്മേരവക്ത്രാമ് ।
നടദഘഭിദപാങ്ഗോത്തുങ്ഗിതാനങ്ഗ - രങ്ഗാ
കലിത-രുചി-തരങ്ഗാം രാധികാമര്ചയാമി॥3॥ |
| |
| |
വിവിധ - കുസുമ - വൃന്ദോത്ഫുല്ല- ധമ്മില്ല-ഘാടീ-
വിഘടിത-മദ-ഘൂര്ണത് കേകി - പിച്ഛ - പ്രശസ്തിമ് ।
മധുരിപു- മുഖ - ബിമ്ബോദ്ഗീര്ണ- താമ്ബൂല-രാഗ-
സ്ഫുരദമല - കപോലാം രാധികാമര്ചയാമി॥4॥ |
| |
| |
അമലിന- ലലിതാന്തഃ സ്നേഹ-സിക്താന്തരങ്ഗാ-
മഖില - വിധവിശാഖാ - സഖ്യ- വിഖ്യാത - ശീലാമ് ।
സ്ഫുരദഘഭിദനര്ഘ- പ്രേമ മാണിക്യ- പേടീം
ധൃത മധുര - വിനോദാം രാധികാമര്ചയാമി॥5॥ |
| |
| |
അതുല-മഹസി വൃന്ദാരണ്യരാജ്യേഽഭിഷിക്താം
നിഖില - സമയ - ഭര്തുഃ കാര്തികസ്യാധിദേവീമ് ।
അപരിമിത - മുകുന്ദ - പ്രേയസീ - വൃന്ദമുഖ്യാം
ജഗദഘഹര - കീര്തി രാധികാമര്ചയാമി॥6॥ |
| |
| |
ഹരിപദനഖ - കോടീ - പൃഷ്ഠ - പര്യന്ത-സീമാ-
തടമപി കലയന്തീം പ്രാണകോടരേഭീഷ്ടമ് ।
പ്രമുദിത - മദിരാക്ഷീ - വൃന്ദ- വൈദഗ്ധ്യ - ദീക്ഷാ-
ഗുരുമതി - ഗുരുകീര്തി രാധികാമര്ചയാമി॥7॥ |
| |
| |
അമല- കനക- പട്ടോദ്ധൃഷ്ട- കാശ്മീര - ഗൌരീ
മധുരിമ - ലഹരീഭിഃ സംപരീതാം കിശോരീമ് ।
ഹരിഭുജ - പരിരബ്ധാം ലബ്ധ- രോമാഞ്ച - പാലിം
സ്ഫുരദരുണ- ദുകൂലാം രാധികാമര്ചയാമി॥8॥ |
| |
| |
തദമല - മധുരിമ്ണാം കാമമാധാരരൂപം
പരിപഠതി വരിഷ്ഠം സുഷ്ഠു രാധാഷ്ടകം യഃ ।
അഹിമ - കിരണ - പുത്രീ - കൂല - കല്യാണ - ചന്ദ്രഃ
സ്ഫുടമഖിലമഭീഷ്ടം തസ്യ തുഷ്ടസ്തനോതി॥9॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|