|
| |
| |
શ્રી રાધિકાષ્ટકમ્ (1)  |
| શ્રીલ રૂપ ગોસ્વામી |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
દિશિ દિશિ રચયન્તીં સંચરન્નેત્રલક્ષ્મી-
વિલસિત - ખુરલીભિઃ ખઞ્જરીટસ્ય ખેલામ્ ।
હૃદયમધુપમલ્લીં બલ્લવાધીશસૂનો-
રખિલ - ગુણ - ગભીરાં રાધિકામર્ચયામિ॥1॥ |
| |
| |
પિતુરિહ વૃષભાનોરન્વવાય - પ્રશસ્તિં
જગતિ કિલ સમસ્તે સુષ્ઠુ વિસ્તારયન્તીમ્ ।
વ્રજનૃપતિકુમારં ખેલયન્તીં સખીભિઃ
સુરભિણિ નિજકુણ્ડે રાધિકામર્ચયામિ॥2॥ |
| |
| |
શરદુપચિત- રાકા - કૌમુદીનાથ - કીર્તિ-
પ્રકર- દમનદીક્ષા- દક્ષિણ - સ્મેરવક્ત્રામ્ ।
નટદઘભિદપાઙ્ગોત્તુઙ્ગિતાનઙ્ગ - રઙ્ગા
કલિત-રુચિ-તરઙ્ગાં રાધિકામર્ચયામિ॥3॥ |
| |
| |
વિવિધ - કુસુમ - વૃન્દોત્ફુલ્લ- ધમ્મિલ્લ-ઘાટી-
વિઘટિત-મદ-ઘૂર્ણત્ કેકિ - પિચ્છ - પ્રશસ્તિમ્ ।
મધુરિપુ- મુખ - બિમ્બોદ્ગીર્ણ- તામ્બૂલ-રાગ-
સ્ફુરદમલ - કપોલાં રાધિકામર્ચયામિ॥4॥ |
| |
| |
અમલિન- લલિતાન્તઃ સ્નેહ-સિક્તાન્તરઙ્ગા-
મખિલ - વિધવિશાખા - સખ્ય- વિખ્યાત - શીલામ્ ।
સ્ફુરદઘભિદનર્ઘ- પ્રેમ માણિક્ય- પેટીં
ધૃત મધુર - વિનોદાં રાધિકામર્ચયામિ॥5॥ |
| |
| |
અતુલ-મહસિ વૃન્દારણ્યરાજ્યેઽભિષિક્તાં
નિખિલ - સમય - ભર્તુઃ કાર્તિકસ્યાધિદેવીમ્ ।
અપરિમિત - મુકુન્દ - પ્રેયસી - વૃન્દમુખ્યાં
જગદઘહર - કીર્તિ રાધિકામર્ચયામિ॥6॥ |
| |
| |
હરિપદનખ - કોટી - પૃષ્ઠ - પર્યન્ત-સીમા-
તટમપિ કલયન્તીં પ્રાણકોટરેભીષ્ટમ્ ।
પ્રમુદિત - મદિરાક્ષી - વૃન્દ- વૈદગ્ધ્ય - દીક્ષા-
ગુરુમતિ - ગુરુકીર્તિ રાધિકામર્ચયામિ॥7॥ |
| |
| |
અમલ- કનક- પટ્ટોદ્ધૃષ્ટ- કાશ્મીર - ગૌરી
મધુરિમ - લહરીભિઃ સંપરીતાં કિશોરીમ્ ।
હરિભુજ - પરિરબ્ધાં લબ્ધ- રોમાઞ્ચ - પાલિં
સ્ફુરદરુણ- દુકૂલાં રાધિકામર્ચયામિ॥8॥ |
| |
| |
તદમલ - મધુરિમ્ણાં કામમાધારરૂપં
પરિપઠતિ વરિષ્ઠં સુષ્ઠુ રાધાષ્ટકં યઃ ।
અહિમ - કિરણ - પુત્રી - કૂલ - કલ્યાણ - ચન્દ્રઃ
સ્ફુટમખિલમભીષ્ટં તસ્ય તુષ્ટસ્તનોતિ॥9॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|