|
| |
| |
శ్రీ రాధికాష్టకమ్ (1)  |
| శ్రీల రూప గోస్వామీ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
దిశి దిశి రచయన్తీం సంచరన్నేత్రలక్ష్మీ-
విలసిత - ఖురలీభిః ఖఞ్జరీటస్య ఖేలామ్ ।
హృదయమధుపమల్లీం బల్లవాధీశసూనో-
రఖిల - గుణ - గభీరాం రాధికామర్చయామి॥1॥ |
| |
| |
పితురిహ వృషభానోరన్వవాయ - ప్రశస్తిం
జగతి కిల సమస్తే సుష్ఠు విస్తారయన్తీమ్ ।
వ్రజనృపతికుమారం ఖేలయన్తీం సఖీభిః
సురభిణి నిజకుణ్డే రాధికామర్చయామి॥2॥ |
| |
| |
శరదుపచిత- రాకా - కౌముదీనాథ - కీర్తి-
ప్రకర- దమనదీక్షా- దక్షిణ - స్మేరవక్త్రామ్ ।
నటదఘభిదపాఙ్గోత్తుఙ్గితానఙ్గ - రఙ్గా
కలిత-రుచి-తరఙ్గాం రాధికామర్చయామి॥3॥ |
| |
| |
వివిధ - కుసుమ - వృన్దోత్ఫుల్ల- ధమ్మిల్ల-ఘాటీ-
విఘటిత-మద-ఘూర్ణత్ కేకి - పిచ్ఛ - ప్రశస్తిమ్ ।
మధురిపు- ముఖ - బిమ్బోద్గీర్ణ- తామ్బూల-రాగ-
స్ఫురదమల - కపోలాం రాధికామర్చయామి॥4॥ |
| |
| |
అమలిన- లలితాన్తః స్నేహ-సిక్తాన్తరఙ్గా-
మఖిల - విధవిశాఖా - సఖ్య- విఖ్యాత - శీలామ్ ।
స్ఫురదఘభిదనర్ఘ- ప్రేమ మాణిక్య- పేటీం
ధృత మధుర - వినోదాం రాధికామర్చయామి॥5॥ |
| |
| |
అతుల-మహసి వృన్దారణ్యరాజ్యేఽభిషిక్తాం
నిఖిల - సమయ - భర్తుః కార్తికస్యాధిదేవీమ్ ।
అపరిమిత - ముకున్ద - ప్రేయసీ - వృన్దముఖ్యాం
జగదఘహర - కీర్తి రాధికామర్చయామి॥6॥ |
| |
| |
హరిపదనఖ - కోటీ - పృష్ఠ - పర్యన్త-సీమా-
తటమపి కలయన్తీం ప్రాణకోటరేభీష్టమ్ ।
ప్రముదిత - మదిరాక్షీ - వృన్ద- వైదగ్ధ్య - దీక్షా-
గురుమతి - గురుకీర్తి రాధికామర్చయామి॥7॥ |
| |
| |
అమల- కనక- పట్టోద్ధృష్ట- కాశ్మీర - గౌరీ
మధురిమ - లహరీభిః సంపరీతాం కిశోరీమ్ ।
హరిభుజ - పరిరబ్ధాం లబ్ధ- రోమాఞ్చ - పాలిం
స్ఫురదరుణ- దుకూలాం రాధికామర్చయామి॥8॥ |
| |
| |
తదమల - మధురిమ్ణాం కామమాధారరూపం
పరిపఠతి వరిష్ఠం సుష్ఠు రాధాష్టకం యః ।
అహిమ - కిరణ - పుత్రీ - కూల - కల్యాణ - చన్ద్రః
స్ఫుటమఖిలమభీష్టం తస్య తుష్టస్తనోతి॥9॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|