|
| |
| |
ಶ್ರೀ ರಾಧಿಕಾಷ್ಟಕಮ್ (1)  |
| ಶ್ರೀಲ ರೂಪ ಗೋಸ್ವಾಮೀ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
ದಿಶಿ ದಿಶಿ ರಚಯನ್ತೀಂ ಸಂಚರನ್ನೇತ್ರಲಕ್ಷ್ಮೀ-
ವಿಲಸಿತ - ಖುರಲೀಭಿಃ ಖಞ್ಜರೀಟಸ್ಯ ಖೇಲಾಮ್ ।
ಹೃದಯಮಧುಪಮಲ್ಲೀಂ ಬಲ್ಲವಾಧೀಶಸೂನೋ-
ರಖಿಲ - ಗುಣ - ಗಭೀರಾಂ ರಾಧಿಕಾಮರ್ಚಯಾಮಿ॥1॥ |
| |
| |
ಪಿತುರಿಹ ವೃಷಭಾನೋರನ್ವವಾಯ - ಪ್ರಶಸ್ತಿಂ
ಜಗತಿ ಕಿಲ ಸಮಸ್ತೇ ಸುಷ್ಠು ವಿಸ್ತಾರಯನ್ತೀಮ್ ।
ವ್ರಜನೃಪತಿಕುಮಾರಂ ಖೇಲಯನ್ತೀಂ ಸಖೀಭಿಃ
ಸುರಭಿಣಿ ನಿಜಕುಣ್ಡೇ ರಾಧಿಕಾಮರ್ಚಯಾಮಿ॥2॥ |
| |
| |
ಶರದುಪಚಿತ- ರಾಕಾ - ಕೌಮುದೀನಾಥ - ಕೀರ್ತಿ-
ಪ್ರಕರ- ದಮನದೀಕ್ಷಾ- ದಕ್ಷಿಣ - ಸ್ಮೇರವಕ್ತ್ರಾಮ್ ।
ನಟದಘಭಿದಪಾಙ್ಗೋತ್ತುಙ್ಗಿತಾನಙ್ಗ - ರಙ್ಗಾ
ಕಲಿತ-ರುಚಿ-ತರಙ್ಗಾಂ ರಾಧಿಕಾಮರ್ಚಯಾಮಿ॥3॥ |
| |
| |
ವಿವಿಧ - ಕುಸುಮ - ವೃನ್ದೋತ್ಫುಲ್ಲ- ಧಮ್ಮಿಲ್ಲ-ಘಾಟೀ-
ವಿಘಟಿತ-ಮದ-ಘೂರ್ಣತ್ ಕೇಕಿ - ಪಿಚ್ಛ - ಪ್ರಶಸ್ತಿಮ್ ।
ಮಧುರಿಪು- ಮುಖ - ಬಿಮ್ಬೋದ್ಗೀರ್ಣ- ತಾಮ್ಬೂಲ-ರಾಗ-
ಸ್ಫುರದಮಲ - ಕಪೋಲಾಂ ರಾಧಿಕಾಮರ್ಚಯಾಮಿ॥4॥ |
| |
| |
ಅಮಲಿನ- ಲಲಿತಾನ್ತಃ ಸ್ನೇಹ-ಸಿಕ್ತಾನ್ತರಙ್ಗಾ-
ಮಖಿಲ - ವಿಧವಿಶಾಖಾ - ಸಖ್ಯ- ವಿಖ್ಯಾತ - ಶೀಲಾಮ್ ।
ಸ್ಫುರದಘಭಿದನರ್ಘ- ಪ್ರೇಮ ಮಾಣಿಕ್ಯ- ಪೇಟೀಂ
ಧೃತ ಮಧುರ - ವಿನೋದಾಂ ರಾಧಿಕಾಮರ್ಚಯಾಮಿ॥5॥ |
| |
| |
ಅತುಲ-ಮಹಸಿ ವೃನ್ದಾರಣ್ಯರಾಜ್ಯೇಽಭಿಷಿಕ್ತಾಂ
ನಿಖಿಲ - ಸಮಯ - ಭರ್ತುಃ ಕಾರ್ತಿಕಸ್ಯಾಧಿದೇವೀಮ್ ।
ಅಪರಿಮಿತ - ಮುಕುನ್ದ - ಪ್ರೇಯಸೀ - ವೃನ್ದಮುಖ್ಯಾಂ
ಜಗದಘಹರ - ಕೀರ್ತಿ ರಾಧಿಕಾಮರ್ಚಯಾಮಿ॥6॥ |
| |
| |
ಹರಿಪದನಖ - ಕೋಟೀ - ಪೃಷ್ಠ - ಪರ್ಯನ್ತ-ಸೀಮಾ-
ತಟಮಪಿ ಕಲಯನ್ತೀಂ ಪ್ರಾಣಕೋಟರೇಭೀಷ್ಟಮ್ ।
ಪ್ರಮುದಿತ - ಮದಿರಾಕ್ಷೀ - ವೃನ್ದ- ವೈದಗ್ಧ್ಯ - ದೀಕ್ಷಾ-
ಗುರುಮತಿ - ಗುರುಕೀರ್ತಿ ರಾಧಿಕಾಮರ್ಚಯಾಮಿ॥7॥ |
| |
| |
ಅಮಲ- ಕನಕ- ಪಟ್ಟೋದ್ಧೃಷ್ಟ- ಕಾಶ್ಮೀರ - ಗೌರೀ
ಮಧುರಿಮ - ಲಹರೀಭಿಃ ಸಂಪರೀತಾಂ ಕಿಶೋರೀಮ್ ।
ಹರಿಭುಜ - ಪರಿರಬ್ಧಾಂ ಲಬ್ಧ- ರೋಮಾಞ್ಚ - ಪಾಲಿಂ
ಸ್ಫುರದರುಣ- ದುಕೂಲಾಂ ರಾಧಿಕಾಮರ್ಚಯಾಮಿ॥8॥ |
| |
| |
ತದಮಲ - ಮಧುರಿಮ್ಣಾಂ ಕಾಮಮಾಧಾರರೂಪಂ
ಪರಿಪಠತಿ ವರಿಷ್ಠಂ ಸುಷ್ಠು ರಾಧಾಷ್ಟಕಂ ಯಃ ।
ಅಹಿಮ - ಕಿರಣ - ಪುತ್ರೀ - ಕೂಲ - ಕಲ್ಯಾಣ - ಚನ್ದ್ರಃ
ಸ್ಫುಟಮಖಿಲಮಭೀಷ್ಟಂ ತಸ್ಯ ತುಷ್ಟಸ್ತನೋತಿ॥9॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|