|
| |
| |
ಶ್ರೀ ಗಙ್ಗಾ ಸ್ತೋತ್ರಮ್  |
| ಶ್ರೀಪಾದ ಶಂಕರಾಚಾರ್ಯ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
ದೇವಿ ಸುರೇಶ್ವರಿ ಭಗವತಿ ಗಙ್ಗೇ ತ್ರಿಭುವನತಾರಿಣಿ ತರಲತರಙ್ಗೇ ।
ಶಙ್ಕರಮೌಲಿವಿಹಾರಿಣಿ ವಿಮಲೇ ಮಮ ಮತಿರಾಸ್ತಾಂ ತವ ಪದಕಮಲೇ ॥1॥ |
| |
| |
ಭಾಗೀರಥಿ ಸುಖದಾಯಿನಿ ಮಾತಸ್ತವ ಜಲಮಹಿಮಾ ನಿಗಮೇ ಖ್ಯಾತಃ ।
ನಾಹಂ ಜಾನೇ ತವ ಮಹಿಮಾನಂ ಪಾಹಿ ಕೃಪಾಮಯಿ ಮಾಮಜ್ಞಾನಮ್ ॥2॥ |
| |
| |
ಹರಿಪದಪಾದ್ಯತರಙ್ಗಿಣಿ ಗಙ್ಗೇ ಹಿಮವಿಧುಮುಕ್ತಾಧವಲತರಙ್ಗೇ ।
ದೂರೀಕುರು ಮಮ ದುಷ್ಕೃತಿಭಾರಂ ಕುರು ಕೃಪಯಾ ಭವಸಾಗರಪಾರಮ್ ॥3॥ |
| |
| |
ತವ ಜಲಮಮಲಂ ಯೇನ ನಿಪೀತಂ ಪರಮಪದಂ ಖಲು ತೇನ ಗೃಹೀತಮ್ ।
ಮಾತರ್ಗಙ್ಗೇ ತ್ವಯಿ ಯೋ ಭಕ್ತಃ ಕಿಲ ತಂ ದ್ರಷ್ಟುಂ ನ ಯಮಃ ಶಕ್ತಃ ॥4॥ |
| |
| |
ಪತಿತೋದ್ಧಾರಿಣಿ ಜಾಹ್ನವಿ ಗಙ್ಗೇ ಖಣ್ಡಿತಗಿರಿವರಮಣ್ಡಿತಭಙ್ಗೇ ।
ಭೀಷ್ಮಜನನಿ ಹೇ ಮುನಿವರಕನ್ಯೇ ಪತಿತನಿವಾರಿಣಿ ತ್ರಿಭುವನಧನ್ಯೇ ॥5॥ |
| |
| |
ಕಲ್ಪಲತಾಮಿವ ಫಲದಾಂ ಲೋಕೇ ಪ್ರಣಮತಿ ಯಸ್ತ್ವಾಂ ನ ಪತತಿ ಶೋಕೇ ।
ಪಾರಾವಾರವಿಹಾರಿಣಿ ಗಙ್ಗೇ ವಿಮುಖಯುವತಿಕೃತತರಲಾಪಾಙ್ಗೇ ॥6॥ |
| |
| |
ತವ ಚೇನ್ಮಾತಃ ಸ್ರೋತಃಸ್ನಾತಃ ಪುನರಪಿ ಜಠರೇ ಸೋಽಪಿ ನ ಜಾತಃ ।
ನರಕನಿವಾರಿಣಿ ಜಾಹ್ನವಿ ಗಙ್ಗೇ ಕಲುಷವಿನಾಶಿನಿ ಮಹಿಮೋತ್ತುಙ್ಗೇ ॥7॥ |
| |
| |
ಪುನರಸದಙ್ಗೇ ಪುಣ್ಯತರಙ್ಗೇ ಜಯ ಜಯ ಜಾಹ್ನವಿ ಕರುಣಾಪಾಙ್ಗೇ ।
ಇನ್ದ್ರಮುಕುಟಮಣಿರಾಜಿತಚರಣೇ ಸುಖದೇ ಶುಭದೇ ಭೃತ್ಯಶರಣ್ಯೇ ॥8॥ |
| |
| |
ರೋಗಂ ಶೋಕಂ ತಾಪಂ ಪಾಪಂ ಹರ ಮೇ ಭಗವತಿ ಕುಮತಿಕಲಾಪಮ್ ।
ತ್ರಿಭುವನಸಾರೇ ವಸುಧಾಹಾರೇ ತ್ವಮಸಿ ಗತಿರ್ಮಮ ಖಲು ಸಂಸಾರೇ ॥9॥ |
| |
| |
ಅಲಕಾನನ್ದೇ ಪರಮಾನನ್ದೇ ಕುರು ಕರುಣಾಮಯಿ ಕಾತರವನ್ದ್ಯೇ ।
ತವ ತಟನಿಕಟೇ ಯಸ್ಯ ನಿವಾಸಃ ಖಲು ವೈಕುಣ್ಠೇ ತಸ್ಯ ನಿವಾಸಃ ॥10॥ |
| |
| |
ವರಮಿಹ ನೀರೇ ಕಮಠೋ ಮೀನಃ ಕಿಂ ವಾ ತೀರೇ ಶರಟಃ ಕ್ಷೀಣಃ ।
ಅಥವಾ ಶ್ವಪಚೋ ಮಲಿನೋ ದೀನಸ್ತವ ನ ಹಿ ದೂರೇ ನೃಪತಿಕುಲೀನಃ ॥11॥ |
| |
| |
ಭೋ ಭುವನೇಶ್ವರಿ ಪುಣ್ಯೇ ಧನ್ಯೇ ದೇವಿ ದ್ರವಮಯಿ ಮುನಿವರಕನ್ಯೇ ।
ಗಙ್ಗಾಸ್ತವಮಿಮಮಮಲಂ ನಿತ್ಯಂ ಪಠತಿ ನರೋ ಯಃ ಸ ಜಯತಿ ಸತ್ಯಮ್ ॥12॥ |
| |
| |
ಯೇಷಾಂ ಹೃದಯೇ ಗಙ್ಗಾಭಕ್ತಿಸ್ತೇಷಾಂ ಭವತಿ ಸದಾ ಸುಖಮುಕ್ತಿಃ ।
ಮಧುರಾಕಾನ್ತಾಪಜ್ಝಟಿಕಾಭಿಃ ಪರಮಾನನ್ದಕಲಿತಲಲಿತಾಭಿಃ ॥13॥ |
| |
| |
ಗಙ್ಗಾಸ್ತೋತ್ರಮಿದಂ ಭವಸಾರಂ ವಾಞ್ಛಿತಫಲದಂ ವಿಮಲಂ ಸಾರಮ್ ।
ಶಙ್ಕರಸೇವಕಶಙ್ಕರರಚಿತಂ ಪಠತಿ ಸುಖೀ ಸ್ತವ ಇತಿ ಚ ಸಮಾಪ್ತಃ ॥14॥ |
| |
| |
|
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|