वैष्णव भजन  »  श्री गङ्गा स्तोत्रम्
 
 
శ్రీపాద శంకరాచార్య       
भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ |
 
 
దేవి సురేశ్వరి భగవతి గఙ్గే త్రిభువనతారిణి తరలతరఙ్గే ।
శఙ్కరమౌలివిహారిణి విమలే మమ మతిరాస్తాం తవ పదకమలే ॥1॥
 
 
భాగీరథి సుఖదాయిని మాతస్తవ జలమహిమా నిగమే ఖ్యాతః ।
నాహం జానే తవ మహిమానం పాహి కృపామయి మామజ్ఞానమ్ ॥2॥
 
 
హరిపదపాద్యతరఙ్గిణి గఙ్గే హిమవిధుముక్తాధవలతరఙ్గే ।
దూరీకురు మమ దుష్కృతిభారం కురు కృపయా భవసాగరపారమ్ ॥3॥
 
 
తవ జలమమలం యేన నిపీతం పరమపదం ఖలు తేన గృహీతమ్ ।
మాతర్గఙ్గే త్వయి యో భక్తః కిల తం ద్రష్టుం న యమః శక్తః ॥4॥
 
 
పతితోద్ధారిణి జాహ్నవి గఙ్గే ఖణ్డితగిరివరమణ్డితభఙ్గే ।
భీష్మజనని హే మునివరకన్యే పతితనివారిణి త్రిభువనధన్యే ॥5॥
 
 
కల్పలతామివ ఫలదాం లోకే ప్రణమతి యస్త్వాం న పతతి శోకే ।
పారావారవిహారిణి గఙ్గే విముఖయువతికృతతరలాపాఙ్గే ॥6॥
 
 
తవ చేన్మాతః స్రోతఃస్నాతః పునరపి జఠరే సోఽపి న జాతః ।
నరకనివారిణి జాహ్నవి గఙ్గే కలుషవినాశిని మహిమోత్తుఙ్గే ॥7॥
 
 
పునరసదఙ్గే పుణ్యతరఙ్గే జయ జయ జాహ్నవి కరుణాపాఙ్గే ।
ఇన్ద్రముకుటమణిరాజితచరణే సుఖదే శుభదే భృత్యశరణ్యే ॥8॥
 
 
రోగం శోకం తాపం పాపం హర మే భగవతి కుమతికలాపమ్ ।
త్రిభువనసారే వసుధాహారే త్వమసి గతిర్మమ ఖలు సంసారే ॥9॥
 
 
అలకానన్దే పరమానన్దే కురు కరుణామయి కాతరవన్ద్యే ।
తవ తటనికటే యస్య నివాసః ఖలు వైకుణ్ఠే తస్య నివాసః ॥10॥
 
 
వరమిహ నీరే కమఠో మీనః కిం వా తీరే శరటః క్షీణః ।
అథవా శ్వపచో మలినో దీనస్తవ న హి దూరే నృపతికులీనః ॥11॥
 
 
భో భువనేశ్వరి పుణ్యే ధన్యే దేవి ద్రవమయి మునివరకన్యే ।
గఙ్గాస్తవమిమమమలం నిత్యం పఠతి నరో యః స జయతి సత్యమ్ ॥12॥
 
 
యేషాం హృదయే గఙ్గాభక్తిస్తేషాం భవతి సదా సుఖముక్తిః ।
మధురాకాన్తాపజ్ఝటికాభిః పరమానన్దకలితలలితాభిః ॥13॥
 
 
గఙ్గాస్తోత్రమిదం భవసారం వాఞ్ఛితఫలదం విమలం సారమ్ ।
శఙ్కరసేవకశఙ్కరరచితం పఠతి సుఖీ స్తవ ఇతి చ సమాప్తః ॥14॥
 
 
 
 
 
हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥
 
 
 
  Connect Form
  हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥
  © copyright 2025 vedamrit. All Rights Reserved.