|
| |
| |
శ్రీ గోపీ గీత  |
| వృందావన గోపియోం ద్వారా |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
గోప్య ఊచుః
జయతి తేఽధికం జన్మనా వ్రజః
శ్రయత ఇన్దిరా శ శ్వదత్ర హి।
దయిత దృశ్యతాం దిక్షు తావకామ్‌
స్త్వయి ధృతాసవస్త్వాం విచిన్వతే॥1॥ |
| |
| |
శరదుదాశయే సాధుజాతసత్‌-
సరసిజోదరశ్రీముషా దృశా।
సురతనాథ తేఽశుల్కదాసికా
వరద నిఘ్నతో నేహ కిం వధః॥2॥ |
| |
| |
విషజలాప్యయాద్‌ వయాలరాక్షసాద్‌
వర్షమారుతాద్వైద్యుతానలాత్।
వృషమయాత్మజాద్విశ్వతో భయాద్‌
ఋషభ తే వయం రక్షితా ముహుః॥3॥ |
| |
| |
న ఖలు గోపికానన్దనో భవాన్‌
అఖిలదేహినామన్తరాత్మదృక్।
విఖనసార్థితో విశ్వగుప్తయే
సఖ ఉదేయివాన్‌ సాత్వతాం కులే॥4॥ |
| |
| |
విరచితాభయం వృష్ణిధూర్య తే
చరణామీయుషాం సంసృతేర్భయాత్।
కరసరోరుహం కాన్త కామదం
శిరసి ధేహి నః శ్రీకరగ్రహమ్॥5॥ |
| |
| |
వ్రజజనార్తిహాన్‌ వీర యోషితాం
నిజజనస్మయధ్వంసనస్మిత।
భజ సఖే భవత్కిఙ్కరీః స్మ నో
జలరుహాననం చారు దర్శయ॥6॥ |
| |
| |
ప్రణతదేహినాం పాపకర్షణం
తృణచరానుగం శ్రీనికేతనమ్।
ఫణిఫణార్పింతం తే పదామ్బుజం
కృణు కుచేషు నః కృన్ధి హృచ్ఛయమ్॥7॥ |
| |
| |
మధురయా గిరా వల్గువాక్యయా
బుధమనోజ్ఞయా పుష్కరేక్షణ।
విధికరీరిమా వీర ముహ్యతీర్‌
అధరసీధునాప్యాయయస్వః నః॥8॥ |
| |
| |
తవ కథామృతం తప్తజీవనం
కవిభిరీడితం కల్మషాపహమ్।
శ్రవణమంగలం శ్రీమదాతతం
భువి గృణన్తి యే భూరిదా జనాః॥9॥ |
| |
| |
ప్రహసితం ప్రియప్రేమవీక్షణం
విహరణం చ తే ధ్యానమంగలమ్।
రహసి సంవిదో యా హృది స్పృశః
కుహక నో మనః క్షోభయన్తి హి॥10॥ |
| |
| |
చలసి యద్‌ వ్రజాచ్చారయన్‌ పశూన్‌
నలినసున్దరం నాథ తే పదమ్।
శిలతృణాంకురైః సీదతీతి నః
కలిలతాం మనః కాన్త గచ్ఛతి॥11॥ |
| |
| |
దినపరిక్షయే నీలకున్తలైర్‌
వనరుహాననం బిభ్రదావృతమ్।
ఘనరజస్వలం దర్శయన్ముహుర్‌
మనసి నః స్మరం వీర యచ్ఛసి॥12॥ |
| |
| |
ప్రణతకామదం పద్మజార్చితం
ధరణిమణ్డనం ధ్యేయమాపది।
చరణపంకజం శన్తమం చ తే
రమణ నః స్తనేష్వర్పయాధిహన్॥13॥ |
| |
| |
సురతవర్ధనం శోకనాశనం
స్వరితవేణునా సుష్ఠుచుమ్బితమ్।
ఇతరాగవిస్మారణం నృణాం
వితర వీర నస్తేఽధరామృతమ్॥14॥ |
| |
| |
అటతి యద్‌ భవానహ్ని కాననం
త్రుటి యుగాయతే త్వామపశ్యతామ్।
కుటిలకున్తలం శ్రీముఖం చ తే
జడ ఉదీక్షతాం పక్ష్మకృద్దృశామ్॥15॥ |
| |
| |
పతిసుతాన్వయభ్రాతృబాన్ధవాన్‌
అతివిలంఘ్య తేఽన్త్యచ్యుతాగతాః।
గతివిదస్తవోద్‌గీతమోహితాః
కితవ యోషితః కస్త్యజేన్నిశి॥15॥ |
| |
| |
రహసి సంవిదం హృచ్ఛయోదయం
ప్రహసితాననం ప్రేమవీక్షణమ్।
బృహదురః శ్రియో వీక్ష్య ధామ తే
ముహురతిస్పృహా ముహ్యతే మనః॥17॥ |
| |
| |
వ్రజవనౌకసాం వయక్తిరంఙ్గ తే
వృజినహన్త్ర్యలం విశ్వమంగలమ్।
త్యజ మనాక్‌ చ నస్త్వత్స్పృహాత్మనాం
స్వజనహృద్‌రుజాం యన్నిషూదనమ్॥18॥ |
| |
| |
యత్తే సుజాతచరణామ్బురుహం స్తనేషు
భీతాః శనైః ప్రియ దధీమహి కర్కశేషు।
తేనాటవీమటసి తద్‌ వయథతే న కిం స్విత్‌
కూర్పాదిభిర్భ్రమతి ధీర్భవదాయుషాం నః॥19॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|