|
| |
| |
ಶ್ರೀ ಗೋಪೀ ಗೀತ  |
| ವೃಂದಾವನ ಗೋಪಿಯೋಂ ದ್ವಾರಾ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
ಗೋಪ್ಯ ಊಚುಃ
ಜಯತಿ ತೇಽಧಿಕಂ ಜನ್ಮನಾ ವ್ರಜಃ
ಶ್ರಯತ ಇನ್ದಿರಾ ಶ ಶ್ವದತ್ರ ಹಿ।
ದಯಿತ ದೃಶ್ಯತಾಂ ದಿಕ್ಷು ತಾವಕಾಮ್‌
ಸ್ತ್ವಯಿ ಧೃತಾಸವಸ್ತ್ವಾಂ ವಿಚಿನ್ವತೇ॥1॥ |
| |
| |
ಶರದುದಾಶಯೇ ಸಾಧುಜಾತಸತ್‌-
ಸರಸಿಜೋದರಶ್ರೀಮುಷಾ ದೃಶಾ।
ಸುರತನಾಥ ತೇಽಶುಲ್ಕದಾಸಿಕಾ
ವರದ ನಿಘ್ನತೋ ನೇಹ ಕಿಂ ವಧಃ॥2॥ |
| |
| |
ವಿಷಜಲಾಪ್ಯಯಾದ್‌ ವಯಾಲರಾಕ್ಷಸಾದ್‌
ವರ್ಷಮಾರುತಾದ್ವೈದ್ಯುತಾನಲಾತ್।
ವೃಷಮಯಾತ್ಮಜಾದ್ವಿಶ್ವತೋ ಭಯಾದ್‌
ಋಷಭ ತೇ ವಯಂ ರಕ್ಷಿತಾ ಮುಹುಃ॥3॥ |
| |
| |
ನ ಖಲು ಗೋಪಿಕಾನನ್ದನೋ ಭವಾನ್‌
ಅಖಿಲದೇಹಿನಾಮನ್ತರಾತ್ಮದೃಕ್।
ವಿಖನಸಾರ್ಥಿತೋ ವಿಶ್ವಗುಪ್ತಯೇ
ಸಖ ಉದೇಯಿವಾನ್‌ ಸಾತ್ವತಾಂ ಕುಲೇ॥4॥ |
| |
| |
ವಿರಚಿತಾಭಯಂ ವೃಷ್ಣಿಧೂರ್ಯ ತೇ
ಚರಣಾಮೀಯುಷಾಂ ಸಂಸೃತೇರ್ಭಯಾತ್।
ಕರಸರೋರುಹಂ ಕಾನ್ತ ಕಾಮದಂ
ಶಿರಸಿ ಧೇಹಿ ನಃ ಶ್ರೀಕರಗ್ರಹಮ್॥5॥ |
| |
| |
ವ್ರಜಜನಾರ್ತಿಹಾನ್‌ ವೀರ ಯೋಷಿತಾಂ
ನಿಜಜನಸ್ಮಯಧ್ವಂಸನಸ್ಮಿತ।
ಭಜ ಸಖೇ ಭವತ್ಕಿಙ್ಕರೀಃ ಸ್ಮ ನೋ
ಜಲರುಹಾನನಂ ಚಾರು ದರ್ಶಯ॥6॥ |
| |
| |
ಪ್ರಣತದೇಹಿನಾಂ ಪಾಪಕರ್ಷಣಂ
ತೃಣಚರಾನುಗಂ ಶ್ರೀನಿಕೇತನಮ್।
ಫಣಿಫಣಾರ್ಪಿಂತಂ ತೇ ಪದಾಮ್ಬುಜಂ
ಕೃಣು ಕುಚೇಷು ನಃ ಕೃನ್ಧಿ ಹೃಚ್ಛಯಮ್॥7॥ |
| |
| |
ಮಧುರಯಾ ಗಿರಾ ವಲ್ಗುವಾಕ್ಯಯಾ
ಬುಧಮನೋಜ್ಞಯಾ ಪುಷ್ಕರೇಕ್ಷಣ।
ವಿಧಿಕರೀರಿಮಾ ವೀರ ಮುಹ್ಯತೀರ್‌
ಅಧರಸೀಧುನಾಪ್ಯಾಯಯಸ್ವಃ ನಃ॥8॥ |
| |
| |
ತವ ಕಥಾಮೃತಂ ತಪ್ತಜೀವನಂ
ಕವಿಭಿರೀಡಿತಂ ಕಲ್ಮಷಾಪಹಮ್।
ಶ್ರವಣಮಂಗಲಂ ಶ್ರೀಮದಾತತಂ
ಭುವಿ ಗೃಣನ್ತಿ ಯೇ ಭೂರಿದಾ ಜನಾಃ॥9॥ |
| |
| |
ಪ್ರಹಸಿತಂ ಪ್ರಿಯಪ್ರೇಮವೀಕ್ಷಣಂ
ವಿಹರಣಂ ಚ ತೇ ಧ್ಯಾನಮಂಗಲಮ್।
ರಹಸಿ ಸಂವಿದೋ ಯಾ ಹೃದಿ ಸ್ಪೃಶಃ
ಕುಹಕ ನೋ ಮನಃ ಕ್ಷೋಭಯನ್ತಿ ಹಿ॥10॥ |
| |
| |
ಚಲಸಿ ಯದ್‌ ವ್ರಜಾಚ್ಚಾರಯನ್‌ ಪಶೂನ್‌
ನಲಿನಸುನ್ದರಂ ನಾಥ ತೇ ಪದಮ್।
ಶಿಲತೃಣಾಂಕುರೈಃ ಸೀದತೀತಿ ನಃ
ಕಲಿಲತಾಂ ಮನಃ ಕಾನ್ತ ಗಚ್ಛತಿ॥11॥ |
| |
| |
ದಿನಪರಿಕ್ಷಯೇ ನೀಲಕುನ್ತಲೈರ್‌
ವನರುಹಾನನಂ ಬಿಭ್ರದಾವೃತಮ್।
ಘನರಜಸ್ವಲಂ ದರ್ಶಯನ್ಮುಹುರ್‌
ಮನಸಿ ನಃ ಸ್ಮರಂ ವೀರ ಯಚ್ಛಸಿ॥12॥ |
| |
| |
ಪ್ರಣತಕಾಮದಂ ಪದ್ಮಜಾರ್ಚಿತಂ
ಧರಣಿಮಣ್ಡನಂ ಧ್ಯೇಯಮಾಪದಿ।
ಚರಣಪಂಕಜಂ ಶನ್ತಮಂ ಚ ತೇ
ರಮಣ ನಃ ಸ್ತನೇಷ್ವರ್ಪಯಾಧಿಹನ್॥13॥ |
| |
| |
ಸುರತವರ್ಧನಂ ಶೋಕನಾಶನಂ
ಸ್ವರಿತವೇಣುನಾ ಸುಷ್ಠುಚುಮ್ಬಿತಮ್।
ಇತರಾಗವಿಸ್ಮಾರಣಂ ನೃಣಾಂ
ವಿತರ ವೀರ ನಸ್ತೇಽಧರಾಮೃತಮ್॥14॥ |
| |
| |
ಅಟತಿ ಯದ್‌ ಭವಾನಹ್ನಿ ಕಾನನಂ
ತ್ರುಟಿ ಯುಗಾಯತೇ ತ್ವಾಮಪಶ್ಯತಾಮ್।
ಕುಟಿಲಕುನ್ತಲಂ ಶ್ರೀಮುಖಂ ಚ ತೇ
ಜಡ ಉದೀಕ್ಷತಾಂ ಪಕ್ಷ್ಮಕೃದ್ದೃಶಾಮ್॥15॥ |
| |
| |
ಪತಿಸುತಾನ್ವಯಭ್ರಾತೃಬಾನ್ಧವಾನ್‌
ಅತಿವಿಲಂಘ್ಯ ತೇಽನ್ತ್ಯಚ್ಯುತಾಗತಾಃ।
ಗತಿವಿದಸ್ತವೋದ್‌ಗೀತಮೋಹಿತಾಃ
ಕಿತವ ಯೋಷಿತಃ ಕಸ್ತ್ಯಜೇನ್ನಿಶಿ॥15॥ |
| |
| |
ರಹಸಿ ಸಂವಿದಂ ಹೃಚ್ಛಯೋದಯಂ
ಪ್ರಹಸಿತಾನನಂ ಪ್ರೇಮವೀಕ್ಷಣಮ್।
ಬೃಹದುರಃ ಶ್ರಿಯೋ ವೀಕ್ಷ್ಯ ಧಾಮ ತೇ
ಮುಹುರತಿಸ್ಪೃಹಾ ಮುಹ್ಯತೇ ಮನಃ॥17॥ |
| |
| |
ವ್ರಜವನೌಕಸಾಂ ವಯಕ್ತಿರಂಙ್ಗ ತೇ
ವೃಜಿನಹನ್ತ್ರ್ಯಲಂ ವಿಶ್ವಮಂಗಲಮ್।
ತ್ಯಜ ಮನಾಕ್‌ ಚ ನಸ್ತ್ವತ್ಸ್ಪೃಹಾತ್ಮನಾಂ
ಸ್ವಜನಹೃದ್‌ರುಜಾಂ ಯನ್ನಿಷೂದನಮ್॥18॥ |
| |
| |
ಯತ್ತೇ ಸುಜಾತಚರಣಾಮ್ಬುರುಹಂ ಸ್ತನೇಷು
ಭೀತಾಃ ಶನೈಃ ಪ್ರಿಯ ದಧೀಮಹಿ ಕರ್ಕಶೇಷು।
ತೇನಾಟವೀಮಟಸಿ ತದ್‌ ವಯಥತೇ ನ ಕಿಂ ಸ್ವಿತ್‌
ಕೂರ್ಪಾದಿಭಿರ್ಭ್ರಮತಿ ಧೀರ್ಭವದಾಯುಷಾಂ ನಃ॥19॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|