|
| |
| |
শ্রী ব্রহ্ম সংহিতা  |
| শ্রী ব্রহ্মা |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
ঈশ্বরঃ পরমঃ কৃষ্ণঃ সচ্চিদানন্দবিগ্রহঃ।
অনাদিরাদির্গোবিন্দঃ সর্বকারণকারণম্॥1॥ |
| |
| |
চিন্তামণিপ্রকরসদ্মসু কল্পবৃক্ষ
লক্ষাবৃতেষু সুরভীরভিপালযন্তম্।
লক্ষ্মী সহস্রশতসম্ভ্রমসেবযমানং
গোবিন্দমাদিপুরুষং তমহং ভজামি॥2॥ |
| |
| |
বেণুং ক্বণন্তমরবিন্দদলাযতাক্ষং
বর্হাবতং সমসিতাম্বুদসুন্দরাঙ্গম্।
কন্দর্পকোটিকমনীযবিশেষশোভং
গোবিন্দমাদিপুরুষং তমহং ভজামি॥3॥ |
| |
| |
আলোলচন্দ্রকলসদ্ববনমাল্যবংশী
রত্নাগদং প্রণযকেলিকলাবিলাসম্।
শ্যামং ত্রিভংগললিতং নিযতপ্রকাশং
গোবিন্দমাদিপুরুষং তমহং ভজামি॥4॥ |
| |
| |
অঙ্গানি যস্য সকলেন্দ্রিযবৃত্তিমন্তি
পশ্যন্তি পান্তি কলযন্তি চিরং জগন্তি।
আনন্দচিন্মযসদুজ্জ্বলবিগ্রহস্য
গোবিন্দমাদিপুরুষং তমহং ভজামি॥5॥ |
| |
| |
অদ্বৈতমচ্যুতমনাদিমনন্তরূপম্
আদ্যং পুরাণপুরুষং নবযৌবনং চ।
বেদেষু দুর্লভমদুর্লভমাত্মভক্তৌ
গোবিন্দমাদিপুরুষং তমহং ভজামি॥6॥ |
| |
| |
পন্থাস্তু কোটিশতবত্সরসম্প্রগম্যো
বাযোরথাপি মনসো মুনিঙ্গবানাম্।
সোঽপ্যস্তি যত্প্রপদসীম্ন্যবিচিন্ত্যতত্ত্বে
গোবিন্দমাদিপুরুষং তমহং ভজামি॥7॥ |
| |
| |
একোঽপ্যসৌ রচযিতুং জগদণ্ডকোটিং-
যচ্ছক্তিরস্তি জগদণ্ডচযা যদন্তঃ।
অণ্ডান্তরস্থপরমাণুচযান্তরস্থং
গোবিন্দমাদিপুরুষং তমহং ভজামি॥8॥ |
| |
| |
যভ্দাবভাবিতধিযো মনুজাস্তথৈব
সম্প্রাপ্য রূপমহিমাসনযানভূষাঃ।
সূক্তৈর্যমেব নিগমপ্রথিতৈঃ স্তুবন্তি
গোবিন্দমাদিপুরুষং তমহং ভজামি॥9॥ |
| |
| |
আনন্দচিন্মযরসপ্রতিভাবিতাভিস্
তাভির্য এব নিজরূপতযা কলাভিঃ।
গোলোক এব নিবসত্যখিলাত্মভূতো
গোবিন্দমাদিপুরুষং তমহং ভজামি॥10॥ |
| |
| |
প্রেমাঞ্জনচ্ছুরিতভক্তিবিলোচনেন
সন্তঃ সদৈব হৃদযেষু বিলোকযন্তি।
যং শ্যামসুন্দরমচিন্ত্যগুণস্বরূপং
গোবিন্দমাদিপুরুষং তমহং ভজামি॥11॥ |
| |
| |
রামাদিমূর্তিষু কলানিযমেন তিষ্ঠন্
নানাবতারমকরোদ্ ভুবনেষু কিন্তু।
কৃষ্ণঃ স্বযং সমভবত্পরমঃ পুমান্ যো
গোবিন্দমাদিপুরুষং তমহং ভজামি॥12॥ |
| |
| |
যস্য প্রভা প্রভবতো জগদণ্ডকোটি-
কোটিষ্বশেষবসুধাদি বিভূতিভিন্নম্।
তদ্ ব্রহ্ম নিষ্কলমনংতমশেষভূতং
গোবিন্দমাদিপুরুষং তমহং ভজামি॥13॥ |
| |
| |
মাযা হি যস্য জগদণ্ডশতানি সূতে
ত্রৈগুণ্যতদ্বিষযবেদবিতাযমানা।
সত্ত্বাবলম্বিপরসত্ত্বং বিশুদ্ধসত্ত্বং
গোবিন্দমাদিপুরুষং তমহং ভজামি॥14॥ |
| |
| |
আনন্দচিন্মযরসাত্মতযা মনঃসু
যঃ প্রাণিনাং প্রতিফলন্ স্মরতামুপেত্য।
লীলাযিতেন ভুবনানি জযত্যজস্রং
গোবিন্দমাদিপুরুষং তমহং ভজামি॥15॥ |
| |
| |
গোলোকনাম্নি নিজধাম্নি তলে চ তস্য
দেবীমহেশহরিধামসু তেষু তেষু।
তে তে প্রভাবনিচযা বিহিতাশ্চ যেন
গোবিন্দমাদিপুরুষং তমহং ভজামি॥16॥ |
| |
| |
সৃষ্টিস্থিতিপ্রলযসাধনশক্তিরেকা
ছাযেব যস্য ভুবনানি বিভর্তি দূর্গা।
ইচ্ছানুরূপমপি যস্য চ চেষ্টতে সা
গোবিন্দমাদিপুরুষং তমহং ভজামি॥17॥ |
| |
| |
ক্ষীরং যথা দধি বিকারবিশেষযোগাত্
সঞ্জাযতে ন হি ততঃ পৃথগস্তি হেতোঃ।
যঃ শম্ভুতামপি তথা সমুপৈতি কার্যাদ্
গোবিন্দমাদিপুরুষং তমহং ভজামি॥18॥ |
| |
| |
দীপার্চিরেব হি দশান্তরমভ্যুপেত্য
দীপাযতে বিবৃতহেতুসমানধর্মা।
যস্তাদৃগেব হি চ বিষ্ণুতযা বিভাতি
গোবিন্দমাদিপুরুষং তমহং ভজামি॥19॥ |
| |
| |
যঃ কারণার্ণবজলে ভজতি স্ম যোগ-
নিদ্রামনন্তজগদণ্ডসরোমকূপঃ।
আধারশক্তিমবলম্ব্য পরাং স্বমূর্তি
গোবিন্দমাদিপুরুষং তমহং ভজামি॥20॥ |
| |
| |
যস্যৈকনিশ্বসিতকালমথাবলম্ব্য
জীবন্তি লোমবিলজা জগদণ্ডনাথাঃ।
বিষ্ণুর্মহান্ স ইহ যস্য কলাবিশেষো
গোবিন্দমাদিপুরুষং তমহং ভজামি॥21॥ |
| |
| |
ভাস্বান্ যথাশ্মশকলেষু নিজেষু তেজঃ
স্বীযং কিযত্প্রকটযত্যপি তদ্বদত্র।
ব্রহ্মা য এষ জগদণ্ডবিধানকর্তা
গোবিন্দমাদিপুরুষং তমহং ভজামি॥22॥ |
| |
| |
যত্পাদপল্লবযুগং বিনিধায কুম্ভ
দ্বন্দ্বে প্রণামসমযে স গণাধিরাজঃ।
বিঘ্নান্ বিহন্তুমলমস্য জগত্রযস্য
গোবিন্দমাদিপুরুষং তমহং ভজামি॥23॥ |
| |
| |
অগ্নির্মহী গগনমম্বু মরুদ্দিশ শ্চ
কালস্তথাত্মমনসীতি জগত্ত্রযাণি।
যস্মাদ্ ভবন্তি বিভবন্তি বিশন্তি যং চ
গোবিন্দমাদিপুরুষং তমহং ভজামি॥24॥ |
| |
| |
যচ্চক্ষুরেষ সবিতা সকলগ্রহাণাং
রাজা সমস্তসুরমুর্তিরশেষতেজাঃ।
যস্যাজ্ঞযা ভ্রমতি সম্ভৃতকালচক্রো
গোবিন্দমাদিপুরুষং তমহং ভজামি॥25॥ |
| |
| |
ধর্মোঽথ পাপনিচযঃ শ্রুতযস্তপাংসি
ব্রহ্মাদিকীটপতগাবধযশ্চ জীবাঃ।
যদ্দত্তমাত্রবিভবপ্রকটপ্রভাবা
গোবিন্দমাদিপুরুষং তমহং ভজামি॥26॥ |
| |
| |
যস্ত্বিন্দ্রগোপমথবেন্দ্রমহো স্বকর্ম-
বন্ধানুরূপফলভাজনমাতনোতী।
কর্মাণি নির্দহতি কিন্তু চ ভক্তিভাজাং
গোবিন্দমাদিপুরুষং তমহং ভজামি॥27॥ |
| |
| |
যং ক্রোধকামসহজপ্রণযাদিভীতি
বাত্সল্যমোহগুরুগৌরবসেবযভাবৈঃ।
স িঞ্চন্ত্য তস্য সদৃশীং তনুমাপুরেতে
গোবিন্দমাদিপুরুষং তমহং ভজামি॥28॥ |
| |
| |
শ্রিযঃ কান্তাঃ কান্তঃ পরমাপুরুষঃ কল্পতরবো
দ্রুমা ভূমিশ্চিন্তামণিগণমযী তোযমমৃতম্।
কথা গানং নাটযং গমনমপি বংশী প্রিযসখী
চিদানন্দং জ্যোতিঃ পরমপি তদাস্বাদ্যমপি চ॥ |
| |
| |
স যত্র ক্ষীরাব্ধিঃ স্রবতি সুরভীভ্যশ্চ সুমহান্
নিমেষার্ধাখ্যো বাব্রজতি ন হি যত্রাপি সমযঃ।
ভজে শ্বেতদ্বীপং তমহমিহ গোলোকমিতি যং
বিদন্তস্তে সন্তঃ ক্ষিতিবিরলচারাঃ কতিপযে॥29॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|