|
| |
| |
ଶ୍ରୀ ଗୋଦ୍ରୁମ ଚନ୍ଦ୍ର ଭଜନ ଉପଦେଶ  |
| ଶ୍ରୀଲ ଭକ୍ତିଵିନୋଦ ଠାକୁର |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
ଯଦି ତେ ହରିପାଦସରୋଜସୁଧା
ରସପାନପରଂ ହୃଦଯଂ ସତତମ୍
ପରିହୃତ୍ଯ ଗୃହଂ କଲିଭାଵମଯଂ
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥1॥ |
| |
| |
ଧନଯୌଵନଜୀଵନରାଜ୍ଯସୁଖଂ
ନ ହି ନିତ୍ଯମନୁକ୍ଷଣନାଶପରମ୍
ତ୍ଯଜ ଗ୍ରାମ୍ଯକଥାସକଲଂ ଵିଫଲଂ
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥2॥ |
| |
| |
ରମଣୀଜନସଙ୍ଗସୁଖଂ ଚ ସଖେ
ଚରମେ ଭଯଦଂ ପୁରୁଷାର୍ଥହରମ୍
ହରିନାମସୁଧାରସମତ୍ତମତିର୍
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥3॥ |
| |
| |
ଜଡକାଵ୍ଯରସୋ ନ ହି କାଵ୍ଯରସଃ
କଲିପାଵନଗୌରରସୋ ହି ରସଃ
ଅଲମନ୍ଯକଥାଦ୍ଯନୁଶୀଲନଯା
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥4॥ |
| |
| |
ଵୃଷଭାନୁସୁତାନ୍ଵିତଵାମତନୁଂ
ଯମୁନାତଟନାଗରନନ୍ଦସୁତମ୍
ମୁରଲୀକଲଗୀତଵିନୋଦପରଂ
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥5॥ |
| |
| |
ହରିକୀର୍ତନମଧ୍ଯଗତଂ ସ୍ଵଜନୈଃ
ପରିଵେଷ୍ଟିତଜାମ୍ବୁନଦାଭହରିମ୍
ନିଜଗୌଡଜନୈକକୃପାଜଲଧିଂ
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥6॥ |
| |
| |
ଗିରିରାଜସୁତାପରିଵୀତଗୃହଂ
ନଵଖଣ୍ଡପତିଂ ଯତିଚିତ୍ତହରମ୍
ସୁରସଙ୍ଘନୁତଂ ପ୍ରିଯଯା ସହିତଂ
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥7॥ |
| |
| |
କଲିକୁକ୍କୁରମୁଦ୍ଗରଭାଵଧରଂ
ହରିନାମମହୌଷଧଦାନପରମ୍
ପତିତାର୍ତଦଯାର୍ଦ୍ରସୁମୂର୍ତିଧରଂ
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥8॥ |
| |
| |
ରିପୁବାନ୍ଧଵଭେଦଵିହୀନଦଯା
ଯଦଭୀକ୍ଷ୍ନମୁଦେତି ମୁଖାବ୍ଜତତୌ
ତମକୃଷ୍ଣମିହ ଵ୍ରଜରାଜସୁତଂ
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥9॥ |
| |
| |
ଇହ ଚୋପନିଷତ୍ପରିଗୀତଵିଭୁର୍
ଦ୍ଵିଜରାଜସୁତଃ ପୁରଟାଭହରିଃ
ନିଜଧାମନି ଖେଲତି ବନ୍ଧୁଯୁତୋ
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥10॥ |
| |
| |
ଅଵତାରଵରଂ ପରିପୂର୍ଣକଲଂ
ପରତତ୍ତ୍ଵମିହାତ୍ମଵିଲାସମଯମ୍
ଵ୍ରଜଧାମରସାମ୍ବୁଧିଗୁପ୍ତରସଂ
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥11॥ |
| |
| |
ଶ୍ରୁତିଵର୍ଣଧନାଦି ନ ଯସ୍ଯ କୃପା
ଜନନେ ବଲଵଦ୍ଭଜନେନ ଵିନା
ତମହୈତୁକଭାଵପଥା ହି ସଖେ
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥12॥ |
| |
| |
ଅପି ନକ୍ରଗତୌ ହ୍ରଦମଧ୍ଯଗତଂ
କମମୋଚଯଦାର୍ତଜନଂ ତମଜମ୍
ଅଵିଚିନ୍ତ୍ଯବଲଂ ଶିଵକଲ୍ପତରୁଂ
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥13॥ |
| |
| |
ସୁରଭୀନ୍ଦ୍ରତପଃପରିତୁଷ୍ଟମନା
ଵରଵର୍ଣଧରୋ ହରିରାଵିରଭୂତ୍
ତମଜସ୍ରସୁଖଂ ମୁନିଧୈର୍ଯହରଂ
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥14॥ |
| |
| |
ଅଭିଲାଷଚଯଂ ତଦଭେଦଧିଯମ୍
ଅଶୁଭଂ ଚ ଶୁଭଂ ତ୍ଯଜ ସର୍ଵମିଦମ୍
ଅନୁକୂଲତଯା ପ୍ରିଯସେଵନଯା
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥15॥ |
| |
| |
ହରିସେଵକସେଵନଧର୍ମପରୋ
ହରିନାମରସାମୃତପାନରତଃ
ନତିଦୈନ୍ଯଦଯାପରମାନଯୁତୋ
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥16॥ |
| |
| |
ଵଦ ଯାଦଵ ମାଧଵ କୃଷ୍ଣ ହରେ
ଵଦ ରାମ ଜନାର୍ଦନ କେଶଵ ହେ
ଵୃଷଭାନୁସୁତାପ୍ରିଯନାଥ ସଦା
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥17॥ |
| |
| |
ଵଦ ଯାମୁନତୀରଵନାଦ୍ରିପତେ
ଵଦ ଗୋକୁଲକାନନପୁଞ୍ଜରଵେ
ଵଦ ରାସରସାଯନ ଗୌରହରେ
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥18॥ |
| |
| |
ଚଲ ଗୌରଵନଂ ନଵଖଣ୍ଡମଯଂ
ପଠ ଗୌରହରେଶ୍ଚରିତାନି ମୁଦା
ଲୁଠ ଗୌରପଦାଙ୍କିତଗାଙ୍ଗତଟଂ
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥19॥ |
| |
| |
ସ୍ମର ଗୌରଗଦାଧରକେଲିକଲାଂ
ଭଵ ଗୌରଗଦାଧରପକ୍ଷଚରଃ
ଶୃଣୁ ଗୌରଗଦାଧରଚାରୁକଥାଂ
ଭଜ ଗୋଦ୍ରୁମକାନନକୁଞ୍ଜଵିଧୁମ୍॥20॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|