|
| |
| |
ശ്രീ കൃഷ്ണനാമാഷ്ടകമ്  |
| ശ്രീല രൂപ ഗോസ്വാമീ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
നിഖിലശ്രുതിമൌലിരത്നമാലാ,
ദ്യുതിനീരാജിതപാദപങ്കജാന്ത ।
അയി മുക്തകുലൈരുപാസ്യമാനം,
പരിതസ്ത്വാം ഹരിനാമ ! സംശ്രയാമി॥1॥ |
| |
| |
ജയ നാമധേയ ! മുനിവൃന്ദഗേയ !,
ജനരഞ്ജനായ പരമക്ഷരാകൃതേ॥ |
| |
| |
ത്വമനാദരാദപി മനാഗുദീരിതം
നിഖിലോഗ്രതാപപടലീം വിലുമ്പസി॥2 ।
യദാഭാസോഽപ്യുദ്യന്കവലിതഭവധ്വാന്തവിഭവോ
ദൃശം തത്ത്വാന്ധാനാമപി ദിശതി ഭക്തിപ്രണയിനീമ് ।
ജനസ്തസ്യോദാത്തം ജഗതി ഭഗവന്നാമതരണേ !
കൃതീ തേ നിര്വക്തും ക ഇഹ മഹിമാനം പ്രഭവതി ?॥3॥ |
| |
| |
യദ്ബ്രഹ്മസാക്ഷാത്കൃതിനിഷ്ഠയാപി,
വിനാശമായാതി വിനാ ന ഭോഗൈഃ ।
അപൈതി നാമ ! സ്ഫുരണേന തത്തേ,
പ്രാരബ്ധകര്മേതി വിരൌതി വേദഃ ॥4 ॥ |
| |
| |
അഘദമനയശോദാനന്ദനൌ ! നന്ദസൂനോ !
കമലനയന ഗോപീചന്ദ്ര വൃന്ദാവനേന്ദ്രാഃ !
പ്രണതകരുണ - കൃഷ്ണാവിത്യനേകസ്വരൂപേ
ത്വയി മമ രതിരുച്ചൈര്വര്ധതാം നാമധേയ॥5॥ |
| |
| |
വാച്യം വാചകമിത്യുദേതി ഭവതോ നാമ ! സ്വരൂപദ്വയം
പൂര്വസ്മാത് പരമേവ ഹന്ത കരുണം തത്രാപി ജാനീമഹേ ।
യസ്തസ്മിന് വിഹിതാപരാധനിവഹഃ പ്രാണീ സമന്താദ്ഭവേ-
ദാസ്യേനേദമുപാസ്യ സോഽപി ഹി സദാനന്ദാമ്ബുധൌ മജ്ജതി॥6॥ |
| |
| |
സൂദിതാശ്രിതജനാര്തിരാശയേ,
രമ്യചിദ്ഘന - സുഖസ്വരൂപിണേ ।
നാമ ! ഗോകുലമഹോത്സവായ തേ,
കൃഷ്ണ ! പൂര്ണവപുഷേ നമോ നമഃ॥7॥ |
| |
| |
നാരദവീണോജ്ജീവന !,
സുധോര്മി- നിര്യാസ- മാധുരീപൂര ! ।
ത്വം കൃഷ്ണനാമ! കാമം,
സ്ഫുര മേ രസേന രസേന സദാ॥8॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|