শ্রী ললিতাষ্টকম্ BENGALI श्री ललिताष्टकम् Hindi श्री ललिताष्टकम् राधामुकुन्द पदसम्भवघर्मबिन्दु श्रील रूप गोस्वामी राधाम वैष्णव आचार्यों के गीत एवं भजन | Bhajan & Aarti of Vaishnav Acharyas ISKCON songs

vedamrit

वैष्णव भजन » श्री ललिताष्टकम्



শ্রী ললিতাষ্টকম্
শ্রীল রূপ গোস্বামী
भाषा: हिन्दी \| English \| தமிழ் \| ಕನ್ನಡ \| മലയാളം \| తెలుగు \| ગુજરાતી \| বাংলা \| ଓଡ଼ିଆ \| ਗੁਰਮੁਖੀ \|


রাধামুকুন্দ পদসম্ভবঘর্মবিন্দু নির্মঞ্ছনোপকরণীকৃত দেহলক্ষাম্ । উত্তুঙ্গ - সৌহৃদ - বিশেষবশাত্ প্রগল্ভাং দেবীং গুণৈঃ সুললিতাং ললিতাং নমামি॥1॥


রাকা - সুধা - কিরণ - মণ্ডল - কান্তি - দণ্ডি বক্ত্রশ্রিযং চকিত - চারূ চমূরূনেত্রাম্ । রাধাপ্রসাধনবিধান - কলাপ্রসিদ্ধাং দেবীং গুণৈঃ সুললিতাং ললিতাং নমামি॥2॥


লাস্যোল্লসদ্ভুজগ - শত্রুপতত্রচিত্র - পট্টাংশুকাভরণ- কঞ্চুলিকাঞ্চিতাঙ্গীম্ । গোরোচনারুচি - বিগর্হণ গৌরিমাণং দেবীং গুণৈঃ সুললিতাং ললিতাং নমামি॥3॥


ধূর্তে ব্রজেন্দ্রতনযে তনু সুষ্ঠু -বাম্যং মা দক্ষিণা ভব কলকিনি লাঘবায । রাধে গিরং শৃণু হিতামিতি শিক্ষযন্তীং দেবীং গুণৈঃ সুললিতাং ললিতাং নমামি॥4॥


রাধামভি - ব্রজপতেঃ কৃতমাত্মজেন কূটং মনাগপি বিলোক্য বিলোহিতাক্ষীম্ । বাগভঙ্গিভিস্তমচিরেণ বিলজ্জযন্তীং দেবীং গুণৈঃ সুললিতাং ললিতাং নমামি॥5॥


বাত্সল্য-বৃন্দবসতিং পশুপালরাজ্ঞ্যাঃ সখ্যানুশিক্ষণকলাসু গুরূং সখীনাম্ । রাধাবলাবরজ জীবিতনির্বিশেষাং দেবীং গুণৈঃ সুললিতাং ললিতাং নমামি॥6॥


যাং কামপি ব্রজকুলে বৃষভানুজাযাঃ প্রেক্ষ্য স্বপক্ষ- পদবীমনুরূযমানাম্। সদ্যস্তদিষ্ট - ঘটনেন কৃতার্থযন্তীং দেবীং গুণৈঃ সুললিতাং ললিতাং নমামি॥7॥


রাধা - ব্রজেন্দ্রসুত - সংগম - রঙ্গচর্যাং বর্যাং বিনিশ্চিতবতীমখিলোত্সবেভ্যঃ । তাং গোকুলপ্রিযসখী - নিকুরম্বমুখ্যাং দেবীং গুণৈঃ সুললিতাং ললিতাং নমামি॥8॥


নন্দন্নমুনি ললিতা - গুণ - লালিতানি পদ্যানি যঃ পঠতি নির্মল- দৃষ্টিরষ্টৌ । প্রীত্যা বিকর্ষতি জনং নিজবৃন্দমধ্যে তং কীর্ত্তিদাপতি - কুলোজ্জ্বল - কল্পবল্লী॥9॥



हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥