|
| |
| |
శ్రీ జగన్నాథాష్టకమ్‌  |
| శ్రీపాద శంకరాచార్య |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
కదాచిత కాలిన్దితట-విపిన-సఙ్గీత-తరవో
ముదాభీరీనారీ-వదనకమలాస్వాద-మధుపః।
రమా-శమ్భు-బ్రహ్మామరపతి-గణేశార్చితపదో
జగన్నాథః స్వామీ నయనపథగామీ భవతు మే॥1॥ |
| |
| |
భుజే సవయే వేణుం శిరసి శిఖిపిచ్ఛం కటితటే
దుకూలం నేత్రాన్తే సహచరి-కటాక్షం విదధతే।
సదా శ్రీమద్‌వృన్దావన-వసతి-లీలాపరిచయో
జగన్నాథః స్వామీ నయనపథగామీ భవతు మే॥2॥ |
| |
| |
మహామ్భోధేస్తీరే కనకరుచిరే నీలశిఖరే
వసన్‌ ప్రాసాదాన్త సహజ-బలభద్రేణ బలినా।
సుభద్రా-మధ్యస్థః సకల-సుర-సేవావసరదో
జగన్నాథః స్వామీ నయనపథగామీ భవతు మే॥3॥ |
| |
| |
కృపా-పారావారః సజల-జలద-శ్రేణి-రుచిరో
రమావాణీరామః స్ఫురదమల-పంకేరుహముఖః।
సురేన్ద్రైరారాధ్యః శ్రుతిగణశిఖా-గీతచరితో
జగన్నాథః స్వామీ నయనపథగామీ భవతు మే॥4॥ |
| |
| |
రథారూఢో గచ్ఛన్‌ పథి మిలిత-భూదేవ పటలైః
స్తుతి ప్రాదుర్భావం ప్రతిపదముపాకర్ణ్య సదయః।
దయాసిన్ధుర్బన్ధుః సకలజగతాం సిన్ధుసుతయా
జగన్నాథః స్వామీ నయనపథగామీ భవతు మే॥5॥ |
| |
| |
పరంబ్రహ్మాపీడః కువలయ-దలోత్ఫుల్ల-నయనో
నివాసీ నీలాద్రౌ నిహిత-చరణోఽనన్త-శిరసి।
రసానన్దీ రాధా-సరస-వపురాలిఙ్గన-సుఖో
జగన్నాథః స్వామీ నయనపథగామీ భవతు మే॥6॥ |
| |
| |
న వై యాచే రాజ్యం న చ కనక-మాణిక్య-విభవం
న యాచేఽహం రమ్యాం సకల-జన-కామ్యాం వరవధూమ్।
సదాకాలే కాలే ప్రమథపతినా గీతచరితో
జగన్నాథః స్వామీ నయనపథగామీ భవతు మే॥7॥ |
| |
| |
హర త్వం సంసారం ద్రుతతరమసారం సురపతే
హర త్వం పాపానాం వితతిమపరాం యాదవపతే!।
అహో దీనేఽనాథే నిహిత-చరణో నిశ్చితమిదం
జగన్నాథః స్వామీ నయనపథగామీ భవతు మే॥8॥ |
| |
| |
జగన్నాథాష్టకం పుణ్యం యః పఠేత్‌ ప్రయతః శుచి।
సర్వపాప-విశుద్ధాత్మా విష్ణులోకం స గచ్ఛతి॥9॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|