|
| |
| |
శ్రీ యమునాష్టకమ్‌  |
| శ్రీల రూప గోస్వామీ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
భ్రాతురన్తకస్య పత్తనేఽభిపత్తిహారిణీ
ప్రేక్షయాతిపాపినోఽపి పాపసిన్ధుతారిణీ।
నీరమాధురీభిరప్యశేషచిత్తబన్ధినీ
మాం పునాతు సర్వదారవిన్దబన్ధునన్దినీ॥1॥ |
| |
| |
హారివారిధారయాభిమేణ్డితోరుఖాణ్డవా
పుణ్డరీకమణ్డలోద్యదణ్డజాలితాణ్డవా।
స్నానకామపామరోగ్రపాపసంపదాన్ధినీ
మాం పునాతు సర్వదారవిన్దబన్ధునన్దినీ॥2॥ |
| |
| |
శీకరాభిమృష్టజన్తు-దుర్వికమర్దినీ
నన్దనన్దనాన్తరంగభక్తిపూరవర్ధినీ।
తీరసంగమాభిలాషిమంగలానుబన్ధినీ
మాం పునాతు సర్వదారవిన్దబన్ధునన్దినీ॥3॥ |
| |
| |
ద్వీపచక్రవాలజుష్టసప్తసిన్ధుభేదినీ
శ్రీముకున్దనిర్మితోరుదివయకేలివేదినీ।
కాన్తికన్దలీభిరిన్ద్రనీలవృన్దనిన్దినీ।
మాం పునాతు సర్వదారవిన్దబన్ధునన్దినీ॥4॥ |
| |
| |
మాథురేణ మణ్డలేన చారుణాభిమణ్డితా
ప్రేమనద్ధవైష్ణవాధ్వవర్ధనాయ పణ్డితా।
ఊర్మిదోర్విలాసపద్మనాభపాదవన్దినీ
మాం పునాతు సర్వదారవిన్దబన్ధునన్దినీ॥5॥ |
| |
| |
రమ్యతీరరంభమాణగోకదమ్బభూషితా
దివయగన్ధభాక్కదమ్బపుష్పరాజిరూషితా।
నన్దసూనుభక్తసంఘసంగమాభినన్దినీ
మాం పునాతు సర్వదారవిన్దబన్ధునన్దినీ॥6॥ |
| |
| |
ఫుల్లపక్షమల్లికాక్షహంసలక్షకూజితా
భక్తివిద్ధదేవసిద్ధకిన్నరాలిపూజితా।
తీరగన్ధవాహగన్ధజన్మబన్ధరన్ధినీ
మాం పునాతు సర్వదారవిన్దబన్ధునన్దినీ॥7॥ |
| |
| |
చిద్విలాసవారిపూరభూర్భువః స్వరాపినీ
కీర్తితాపి దుర్మదోరుపాపమర్మతాపినీ।
బల్లవేన్ద్రనన్దనాఙ్గరాగభఙ్గగన్ధినీ
మాం పునాతు సర్వదారవిన్దబన్ధునన్దినీ॥8॥ |
| |
| |
తుష్టబుద్ధిరష్టకేననిర్మలోర్మిచేష్టితాం
త్వామనేన భానుపుత్రి! సర్వవేష్టితామ్।
యః స్తవీతి వర్ధయస్య సర్వపాపమోచనే
భక్తిపూరమస్య దేవి! పుణ్డరీకలోచనే॥9॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|