Home
Apps About Contact
वैष्णव भजन  »  श्री राधिकाष्टकम्‌ (3)
 
 
ಶ್ರೀ ರಾಧಿಕಾಷ್ಟಕಮ್‌ (3) 
ಶ್ರೀಲ ಕೃಷ್ಣದಾಸ ಕವಿರಾಜ ಗೋಸ್ವಾಮೀ       
भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ |
 
 
ಕುಂಕುಮಾಕ್ತ-ಕಾಞ್ಚನಾಬ್ಜ-ಗರ್ವಹಾರಿ-ಗೌರಭಾ
ಪೀತನಾಞ್ಚಿತಾಬ್ಜ-ಗನ್ಧಕೀರ್ತಿ-ನಿನ್ದಿ-ಸೌರಭಾ
ಬಲ್ಲವೇಶ-ಸೂನು-ಸರ್ವ-ವಾಞ್ಛಿತಾರ್ಥ-ಸಾಧಿಕಾ
ಮಹ್ಯಮಾತ್ಮ-ಪಾದಪದ್ಮ-ದಾಸ್ಯದಾಸ್ತು ರಾಧಿಕಾ॥1॥
 
 
ಕೌರುವಿನ್ದ-ಕಾನ್ತಿ-ನಿನ್ದಿ-ಚಿತ್ರ-ಪಟ್ಟ-ಶಾಟಿಕಾ
ಕೃಷ್ಣ-ಮತ್ತಭೃಙ್ಗ-ಕೇಲಿ-ಫುಲ್ಲ-ಪುಷ್ಪ-ವಾಟಿಕಾ
ಕೃಷ್ಣ-ನಿತ್ಯ-ಸಙ್ಗಮಾರ್ಥಪದ್ಮಬನ್ಧು-ರಾಧಿಕಾ
ಮಹ್ಯಮಾತ್ಮ-ಪಾದಪದ್ಮ-ದಾಸ್ಯದಾಸ್ತು ರಾಧಿಕಾ॥2॥
 
 
ಸೌಕುಮಾರ್ಯ-ಸೃಷ್ಟ-ಪಲ್ಲವಾಲಿ-ಕೀರ್ತಿ-ನಿಗ್ರಹಾ
ಚನ್ದ್ರ -ಚನ್ದನೋತ್ಪಲೇನ್ದು-ಸೇವ್ಯ-ಶೀತ-ವಿಗ್ರಹಾ
ಸ್ವಾಭಿಮರ್ಶ-ಬಲ್ಲವೀಶ-ಕಾಮ-ತಾಪ-ಬಾಧಿಕಾ
ಮಹ್ಯಮಾತ್ಮ-ಪಾದಪದ್ಮ-ದಾಸ್ಯದಾಸ್ತು ರಾಧಿಕಾ॥3॥
 
 
ವಿಶ್ವವನ್ದ್ಯ-ಯೌವತಾಭಿವನ್ದಿತಾಪಿ ಯಾ ರಮಾ
ರೂಪ-ನವ್ಯ-ಯೌವನಾದಿ-ಸಮ್ಪದಾ ನ ಯತ್ಸಮಾ
ಶೀಲ-ಹಾರ್ದ-ಲೀಲಯಾ ಚ ಸಾ ಯತೋಽಸ್ತಿ ನಾಧಿಕಾ
ಮಹ್ಯಮಾತ್ಮ-ಪಾದಪದ್ಮ-ದಾಸ್ಯದಾಸ್ತು ರಾಧಿಕಾ॥4॥
 
 
ರಾಸ-ಲಾಸ್ಯ ಗೀತ-ನರ್ಮ-ಸತ್ಕಲಾಲಿ-ಪಣ್ಡಿತಾ
ಪ್ರೇಮ-ರಮ್ಯ-ರೂಪ ವೇಶ-ಸದ್ಗುಣಾಲಿ-ಮಣ್ಡಿತಾ
ವಿಶ್ವ-ನವ್ಯ-ಗೋಪ-ಯೋಷಿದಾಲಿತೋಽಪಿ ಯಾಧಿಕಾ
ಮಹ್ಯಮಾತ್ಮ-ಪಾದಪದ್ಮ-ದಾಸ್ಯದಾಸ್ತು ರಾಧಿಕಾ॥5॥
 
 
ನಿತ್ಯ-ನವ್ಯ-ರೂಪ-ಕೇಲಿ-ಕೃಷ್ಣಭಾವ-ಸಮ್ಪದಾ
ಕೃಷ್ಣರಾಗ-ಬನ್ಧ-ಗೋಪ-ಯೌವತೇಷು-ಕಮ್ಪದಾ
ಕೃಷ್ಣ-ರೂಪ-ವೇಶ-ಕೇಲಿ-ಲಗ್-ಸತ್ಸಮಾಧಿಕಾ
ಮಹ್ಯಮಾತ್ಮ-ಪಾದಪದ್ಮ-ದಾಸ್ಯದಾಸ್ತು ರಾಧಿಕಾ॥6॥
 
 
ಸ್ವೇದ-ಕಮ್ಪ-ಕಣ್ಟಕಾಶ್ರು-ಗದ್ಗದಾದಿ-ಸಞ್ಚಿತಾ
ಮರ್ಷ-ಹರ್ಷ-ವಾಮತಾದಿ-ಭಾವ-ಭುಷಣಾಞ್ಚಿತಾ
ಕೃಷ್ಣ-ನೇತ್ರ-ತೋಷಿ-ರತ್ನ-ಮಣ್ಡನಾಲಿ-ದಾಧಿಕಾ
ಮಹ್ಯಮಾತ್ಮ-ಪಾದಪದ್ಮ-ದಾಸ್ಯದಾಸ್ತು ರಾಧಿಕಾ॥7॥
 
 
ಯಾ ಕ್ಷಣಾರ್ಧ-ಕೃಷ್ಣ-ವಿಪ್ರಯೋಗ-ಸನ್ತತೋದಿತಾ-
ನೇಕ-ದೈನ್ಯ-ಚಾಪಲಾದಿ-ಭಾವವೃನ್ದ-ಮೋದಿತಾ
ಯತ್ನಲಬ್ಧ-ಕೃಷ್ಣಸಙ್ಗ-ನಿರ್ಗತಾಖಿಲಾಧಿಕಾ
ಮಹ್ಯಮಾತ್ಮ-ಪಾದಪದ್ಮ-ದಾಸ್ಯದಾಸ್ತು ರಾಧಿಕಾ॥8॥
 
 
ಅಷ್ಟಕೇನ ಯಸ್ತ್ವನೇನ ನೌತಿ ಕೃಷ್ಣವಲ್ಲಭಾಂ
ದರ್ಶನೇಽಪಿ ಶೈಲಜಾದಿ-ಯೋಷಿದಾಲಿ-ದುರ್ಲಭಾಮ್
ಕೃಷ್ಣಸಙ್ಗ-ನನ್ದಿತಾತ್ಮ-ದಾಸ್ಯ-ಸೀಧು-ಭಾಜನಂ
ತಂ ಕರೋತಿ ನನ್ದಿತಾಲಿ-ಸಞ್ಚಯಾಶು ಸಾ ಜನಮ್॥9॥
 
 
 
हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥
 
 
 
  Connect Form
  हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥
  © 2026 vedamrit.in All Rights Reserved. Developed by ACd