|
| |
| |
ശ്രീ ദശാവതാര സ്തോത്ര  |
| ശ്രീല ജയദേവ ഗോസ്വാമീ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
പ്രലയപയോധിജലേ ധൃതവാനസി വേദം
വിഹിതവഹിത്ര ചരിത്രമഖേദമ്‌
കേശവ! ധൃത-മീനശരീര! ജയ ജഗദീശ ഹരേ!॥1॥ |
| |
| |
ക്ഷിതിരിഹ വിപുലതരേ തിഷ്ഠതി തവ പൃഷ്ഠേ
ധരണീധരണകിണ-ചക്രഗരിഷ്ഠേ
കേശവ! ധൃത-കൂര്മശരീര! ജയ ജഗദീശ ഹരേ!॥2॥ |
| |
| |
വസതി ദശനശിഖരേ ധരണീ തവ ലഗ്നാ
ശശിനി കലങ്ഗകലേവ നിമഗ്നാ।
കേശവ! ധൃതശൂകരരൂപ! ജയ ജഗദീശ ഹരേ!॥3॥ |
| |
| |
തവ കരകമലവരേ നഖമദ്‌ഭുത-ശ്രൃങ്ഗം
ദലിതഹിരണ്യകശിപുതനു-ഭൃങ്ഗമ്।
കേശവ! ധൃത-നരഹരിരൂപ ജയ ജഗദീശ ഹരേ!॥4॥ |
| |
| |
ഛലയസി വിക്രമണേ ബലിമദ്‌ഭുതവാമന
പദനഖനീരജനിതജനപാവന।
കേശവ! ധൃത-വാമനരൂപ! ജയ ജഗദീശ ഹരേ!॥5॥ |
| |
| |
ക്ഷത്രിയരുധിരമയേ ജഗദപഗതപാപം
സ്നപയസി പയസി ശമിതഭവതാപമ്।
കേശവ! ധൃത-ഭൃഗുപതിരൂപ! ജയ ജഗദീശ ഹരേ!॥6॥ |
| |
| |
വിതരസി ദിക്ഷു രണേ ദിക്പതികമനീയം
ദശമുഖമൌലിബലിം രമണീയമ്।
കേശവ! ധൃത-രാമശരീര ജയ ജഗദീശ ഹരേ!॥7॥ |
| |
| |
വഹസി വപുഷീ വിശദേ വസനം ജലദാഭം
ഹലഹതിഭിതിമിലിത യമുനാഭമ്।
കേശവ! ഹലധരരൂപ! ജയ ജഗദീശ ഹരേ!॥8॥ |
| |
| |
നിന്ദസി യജ്ഞവിധേരഹഹ ശ്രുതിജാതം
സദയഹൃദയ! ദര്ശിത-പശുഘാതമ്।
കേശവ! ധൃത-ബുദ്ധശരീര! ജയ ജഗദീശ ഹരേ!॥9॥ |
| |
| |
മ്ലേച്ഛനിവഹനിധനേ കലയസി കരവാലം
ധൂമകേതുമിവ കിമപി കരാലമ്।
കേശവ! ധൃതകല്കിശരീര! ജയ ജഗദീശ ഹരേ!॥10॥ |
| |
| |
ശ്രീജയദേവകവേരിദമുതിദതമുദാരം
ശ്രൃണു സുഖദം ശുഭദം ഭവസാരമ്।
കേശവ! ധൃതദശവിധരൂപ! ജയ ജഗദീശ ഹരേ!॥11॥ |
| |
| |
ശ്രീദശാവതാര പ്രണാമ
വേദാനുദ്ധരതേ ജഗന്തി വഹതേ ഭൂഗോലമുദ്വിഭ്രതേ
ദൈത്യം ദാരയതേ ബലിം ഛലയതേ ക്ഷത്രക്ഷയം കുര്വതേ।
പൌലസ്ത്യം ജയതേ ഹലം കലയതേ കാരുണ്യമാതന്വതേ
മ്ലേച്ഛാന്മൂര്ച്ഛയതേ ദശാകൃതികൃതേ കൃഷ്ണായ തുഭ്യം നമഃ॥12॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|