|
| |
| |
ಶ್ರೀ ಚೌರಾಗ್ರಗಣ್ಯಪುರುಷಾಷ್ಟಕಮ್‌  |
| ಶ್ರೀಲ ಬಿಲ್ವಮಂಗಲ ಠಾಕುರ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
ವ್ರಜೇ ಪ್ರಸಿದ್ಧಂ ನವನೀತಚೌರಂ, ಗೋಪಾಂಗನಾನಾಂ ಚ ದುಕುಲಚೌರಮ್।
ಅನೇಕ-ಜನ್ಮಾರ್ಜಿತ-ಪಾಪಚೌರಂ, ಚೌರಾಗ್ರಗಣ್ಯಂ ಪುರುಷಂ ನಮಾಮಿ॥1॥ |
| |
| |
ಶ್ರೀರಾಧಿಕಾಯಾ ಹೃದಯಸ್ಯ ಚೌರಂ, ನವಾಂಬುದಶ್ಯಾಮಲಕಾನ್ತಿಚೌರಮ್।
ಪದಾಶ್ರಿತಾನಾಂ ಚ ಸಮಸ್ತಚೌರಂ, ಚೌರಾಗ್ರಗಣ್ಯಂ ಪುರುಷಂ ನಮಾಮಿ॥2॥ |
| |
| |
ಅಕಿಂಚನೀಕೃತ್ಯ ಪದಾಶ್ರಿತಂ ಯಃ, ಕರೋತಿ ಭಿಕ್ಷುಂ ಪಥಿ ಗೇಹಹೀನಮ್।
ಕೇನಾಪ್ಯಹೋ ಭೀಷಣಚೌರ ಈದ್ದಗ್‌, ದ್ದಷ್ಟಃ ಶ್ರುತೋ ವಾ ನ ಜಗತ್‌ತ್ರಯೇಽಪಿ॥3॥ |
| |
| |
ಯದೀಯ ನಾಮಾಪಿ ಹರತ್ಯಶೇಷಂ, ಗಿರಿ ಪ್ರಸಾರಾನಪಿ ಪಾಪರಾಶೀನ್।
ಆಶ್ಚರ್ಯರೂಪೋ ನನು ಚೌರ ಈದೃಗ್‌ ದ್ದಷ್ಟಃ ಶ್ರುತೋ ವಾ ನ ಮಯಾ ಕದಾಪಿ॥4॥ |
| |
| |
ಧನಂ ಚ ಮಾನಂ ಚ ತಥೇನ್ದ್ರಿಯಾಣಿ, ಪ್ರಾಣಾಂಶ್ಚ ಹತ್ವಾ ಮಮ ಸರ್ವಮೇವ।
ಪಲಾಯಸೇ ಕುತ್ರ ಧೃತೋಽದ್ಯ ಚೌರ, ತ್ವಂ ಭಕ್ತಿದಾಮ್ನಾಸಿ ಮಯಾ ನಿರುದ್ಧಃ॥5॥ |
| |
| |
ಛಿನತ್ಸಿ ಘೋರಂ ಯಮಪಾಶಬನ್ಧಂ, ಭಿನತ್ಸಿ ಭೀಮಂ ಭವಪಾಶಬನ್ಧಮ್।
ಛಿನತ್ಸಿ ಸರ್ವಸ್ಯ ಸಮಸ್ತಬನ್ಧಂ, ನೈವಾತ್ಮನೋ ಭಕ್ತಕೃತಂ ತು ಬನ್ಧಮ್॥6॥ |
| |
| |
ಮನ್ಮಾನಸೇ ತಾಮಸರಾಶಿಘೋರೇ, ಕಾರಾಗೃಹೇ ದುಃಖಮಯೇ ನಿಬದ್ಧಃ।
ಲಭಸ್ವ ಹೇ ಚೌರ! ಹರೇ! ಚಿರಾಯ, ಸ್ವಚೌರ್ಯದೋಷೋಚಿತಮೇವ ದಣ್ಡಮ್॥7॥ |
| |
| |
ಕರಾಗೃಹೇ ವಸ ಸದಾ ಹೃದಯೇ ಮದೀಯೇ
ಮದ್‌ಭಕ್ತಿಪಾಶದ್ದಢಬನ್ಧನನಿಶ್ಚಲಃ ಸನ್।
ತ್ವಾಂ ಕೃಷ್ಣ ಹೇ! ಪ್ರಲಯಕೋಟಿಶತಾನ್ತರೇಽಪಿ
ಸರ್ವಸ್ವಚೌರ! ಹೃದಯಾನ್ನಹಿ ಮೋಚಯಾಮಿ॥8॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|