Home
Articles Apps About
वैष्णव भजन  »  श्री गोवर्धनवासप्रार्थनादशकम्‌
 
 
શ્રી ગોવર્ધનવાસપ્રાર્થનાદશકમ્‌ 
શ્રીલ રઘુનાથ દાસ ગોસ્વામી       
भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ |
 
 
નિજપતિભુજદણ્ડચ્છત્રભાવં પ્રપદ્ય
પ્રતિહતમદધૃષ્ટોદ્દણ્ડદેવેન્દ્રગર્વ।
અતુલપૃથુલશૈલશ્રેણિભૂપ! પ્રિયં મે
નિજ-નિકટ-નિવાસ દેહિ ગોવર્ધન! ત્વમ્॥1॥
 
 
પ્રમદમદનલીલાઃ કન્દરે કન્દરે તે
રચયતિ નવયૂનોર્દ્વન્દ્વમસ્મિન્નમન્દમ્।
ઇતિ કિલ કલનાર્થં લન્ગકસ્તદ્‌દ્વયોર્મે
નિજ-નિકટ-નિવાસ દેહિ ગોવર્ધન! ત્વમ્॥2॥
 
 
અનુપમ-મણિવેદી-રત્નસિંહાસનોર્વી-
રુહઝર-દરસાનુદ્રોણિ-સંઘેષુ રંગૈઃ।
સહ બલ-સખિભિઃ સંખેલયન્‌ સ્વપ્રિયં મે
નિજ-નિકટ-નિવાસ દેહિ ગોવર્ધન! ત્વમ્॥3॥
 
 
રસનિધિ-નવયૂનોઃ સાક્ષિણીં દાનકેલે-
ર્દ્યુતિપરિમલવિદ્ધાં શ્યામવેદીં પ્રકાશ્ય।
રસિકવરકુલાનાં મોદમાસ્ફાલયન્મે
નિજ-નિકટ-નિવાસ દેહિ ગોવર્ધન! ત્વમ્॥4॥
 
 
હરિદાયિતમપૂર્વ રાધિકા-કુણ્ડમાત્મ-
પ્રિયસખમિહ કણ્ઠેનર્મણાઽઽલિંગ્ય ગુપ્તઃ।
નવયુવયુગ-ખેલાસ્તત્ર પશ્યન્‌ રહો મે
નિજ-નિકટ-નિવાસ દેહિ ગોવર્ધન! ત્વમ્॥5॥
 
 
સ્થલ-જલ-તલ-શષ્પૈર્ભૂરુહચ્છાયયા ચ
પ્રતિપદમનુકાલં હન્ત સંવર્ધયન્‌ ગાઃ।
ત્રિજગતિ નિજગોત્રં સાર્થકં ખ્યાપયન્મે
જિન-નિકટ-નિવાસ દેહિ ગોવર્ધન! ત્વમ્॥6॥
 
 
સુરપતિકૃત-દીર્ઘદ્રોહતો ગોષ્ઠરક્ષાં
તવ નવ-ગૃહરૂપસ્યાન્તરે કુર્વતૈવ।
અઘ-બક-રિપુણોચ્ચૈર્દત્તમાન! દ્રુતં મેં
નિજ-નિકટ-નિવાસ દેહિ ગોવર્ધન! ત્વમ્॥7॥
 
 
ગિરિનૃપ! હરિદાસશ્રેણીવર્યેતિ-નામા-
મૃતમિદમુદિતં શ્રીરાધિકાવક્ત્રચન્દ્રાત્।
વ્રજજન-તિલકત્વે ક્લૃપ્ત! વેદૈઃ સ્ફુટં મે
નિજ-નિકટ-નિવાસ દેહિ ગોવર્ધન! ત્વમ્॥8॥
 
 
નિજ-જનયુત-રાધાકૃષ્ણમૈત્રીરસાક્ત-
વ્રજનર-પશુપક્ષિ બ્રાત-સૌખ્યૈકદાતઃ।
અગણિત-કરુણત્વાન્મામુરીકૃત્ય તાન્તં
નિજ-નિકટ-નિવાસ દેહિ ગોવર્ધન! ત્વમ્॥9॥
 
 
નિરુપધિ-કરુણેન શ્રીશચીનન્દનેન
ત્વયિ કપટિ-શઠોઽપિ ત્વત્‌પ્રિયેણાર્પિંતોઽસ્મિ।
ઇતિ ખલુ મમ યોગ્યાયોગ્યતાં તામગૃહ્નન્‌
નિજ-નિકટ-નિવાસ દેહિ ગોવર્ધન! ત્વમ્॥10॥
 
 
રસદ-દશકમસ્ય શ્રીલ-ગોવર્ધનસ્ય
ક્ષિતિધર-કુલભર્તુર્યઃ પ્રયત્નાદધીતે।
સ સપદિ સુખદેઽસ્મિન્‌ વાસમાસાદ્ય સાક્ષા-
ચ્છુભદ-યુગલસેવારત્નમાપ્નોતિ તૂર્ણમ્॥11॥
 
 
 
हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥
 
 
 
  हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥
  © 2023 vedamrit.in - All Rights Reserved. Developed by ACd