|
| |
| |
శ్రీ గోవర్ధనవాసప్రార్థనాదశకమ్‌  |
| శ్రీల రఘునాథ దాస గోస్వామీ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
నిజపతిభుజదణ్డచ్ఛత్రభావం ప్రపద్య
ప్రతిహతమదధృష్టోద్దణ్డదేవేన్ద్రగర్వ।
అతులపృథులశైలశ్రేణిభూప! ప్రియం మే
నిజ-నికట-నివాస దేహి గోవర్ధన! త్వమ్॥1॥ |
| |
| |
ప్రమదమదనలీలాః కన్దరే కన్దరే తే
రచయతి నవయూనోర్ద్వన్ద్వమస్మిన్నమన్దమ్।
ఇతి కిల కలనార్థం లన్గకస్తద్‌ద్వయోర్మే
నిజ-నికట-నివాస దేహి గోవర్ధన! త్వమ్॥2॥ |
| |
| |
అనుపమ-మణివేదీ-రత్నసింహాసనోర్వీ-
రుహఝర-దరసానుద్రోణి-సంఘేషు రంగైః।
సహ బల-సఖిభిః సంఖేలయన్‌ స్వప్రియం మే
నిజ-నికట-నివాస దేహి గోవర్ధన! త్వమ్॥3॥ |
| |
| |
రసనిధి-నవయూనోః సాక్షిణీం దానకేలే-
ర్ద్యుతిపరిమలవిద్ధాం శ్యామవేదీం ప్రకాశ్య।
రసికవరకులానాం మోదమాస్ఫాలయన్మే
నిజ-నికట-నివాస దేహి గోవర్ధన! త్వమ్॥4॥ |
| |
| |
హరిదాయితమపూర్వ రాధికా-కుణ్డమాత్మ-
ప్రియసఖమిహ కణ్ఠేనర్మణాఽఽలింగ్య గుప్తః।
నవయువయుగ-ఖేలాస్తత్ర పశ్యన్‌ రహో మే
నిజ-నికట-నివాస దేహి గోవర్ధన! త్వమ్॥5॥ |
| |
| |
స్థల-జల-తల-శష్పైర్భూరుహచ్ఛాయయా చ
ప్రతిపదమనుకాలం హన్త సంవర్ధయన్‌ గాః।
త్రిజగతి నిజగోత్రం సార్థకం ఖ్యాపయన్మే
జిన-నికట-నివాస దేహి గోవర్ధన! త్వమ్॥6॥ |
| |
| |
సురపతికృత-దీర్ఘద్రోహతో గోష్ఠరక్షాం
తవ నవ-గృహరూపస్యాన్తరే కుర్వతైవ।
అఘ-బక-రిపుణోచ్చైర్దత్తమాన! ద్రుతం మేం
నిజ-నికట-నివాస దేహి గోవర్ధన! త్వమ్॥7॥ |
| |
| |
గిరినృప! హరిదాసశ్రేణీవర్యేతి-నామా-
మృతమిదముదితం శ్రీరాధికావక్త్రచన్ద్రాత్।
వ్రజజన-తిలకత్వే క్లృప్త! వేదైః స్ఫుటం మే
నిజ-నికట-నివాస దేహి గోవర్ధన! త్వమ్॥8॥ |
| |
| |
నిజ-జనయుత-రాధాకృష్ణమైత్రీరసాక్త-
వ్రజనర-పశుపక్షి బ్రాత-సౌఖ్యైకదాతః।
అగణిత-కరుణత్వాన్మామురీకృత్య తాన్తం
నిజ-నికట-నివాస దేహి గోవర్ధన! త్వమ్॥9॥ |
| |
| |
నిరుపధి-కరుణేన శ్రీశచీనన్దనేన
త్వయి కపటి-శఠోఽపి త్వత్‌ప్రియేణార్పింతోఽస్మి।
ఇతి ఖలు మమ యోగ్యాయోగ్యతాం తామగృహ్నన్‌
నిజ-నికట-నివాస దేహి గోవర్ధన! త్వమ్॥10॥ |
| |
| |
రసద-దశకమస్య శ్రీల-గోవర్ధనస్య
క్షితిధర-కులభర్తుర్యః ప్రయత్నాదధీతే।
స సపది సుఖదేఽస్మిన్‌ వాసమాసాద్య సాక్షా-
చ్ఛుభద-యుగలసేవారత్నమాప్నోతి తూర్ణమ్॥11॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|