|
| |
| |
ശ്രീ ഗോദ്രുമ ചന്ദ്ര ഭജന ഉപദേശ  |
| ശ്രീല ഭക്തിവിനോദ ഠാകുര |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
യദി തേ ഹരിപാദസരോജസുധാ
രസപാനപരം ഹൃദയം സതതമ്
പരിഹൃത്യ ഗൃഹം കലിഭാവമയം
ഭജ ഗോദ്രുമകാനനകുഞ്ജവിധുമ്॥1॥ |
| |
| |
ധനയൌവനജീവനരാജ്യസുഖം
ന ഹി നിത്യമനുക്ഷണനാശപരമ്
ത്യജ ഗ്രാമ്യകഥാസകലം വിഫലം
ഭജ ഗോദ്രുമകാനനകുഞ്ജവിധുമ്॥2॥ |
| |
| |
രമണീജനസങ്ഗസുഖം ച സഖേ
ചരമേ ഭയദം പുരുഷാര്ഥഹരമ്
ഹരിനാമസുധാരസമത്തമതിര്
ഭജ ഗോദ്രുമകാനനകുഞ്ജവിധുമ്॥3॥ |
| |
| |
ജഡകാവ്യരസോ ന ഹി കാവ്യരസഃ
കലിപാവനഗൌരരസോ ഹി രസഃ
അലമന്യകഥാദ്യനുശീലനയാ
ഭജ ഗോദ്രുമകാനനകുഞ്ജവിധുമ്॥4॥ |
| |
| |
വൃഷഭാനുസുതാന്വിതവാമതനും
യമുനാതടനാഗരനന്ദസുതമ്
മുരലീകലഗീതവിനോദപരം
ഭജ ഗോദ്രുമകാനനകുഞ്ജവിധുമ്॥5॥ |
| |
| |
ഹരികീര്തനമധ്യഗതം സ്വജനൈഃ
പരിവേഷ്ടിതജാമ്ബുനദാഭഹരിമ്
നിജഗൌഡജനൈകകൃപാജലധിം
ഭജ ഗോദ്രുമകാനനകുഞ്ജവിധുമ്॥6॥ |
| |
| |
ഗിരിരാജസുതാപരിവീതഗൃഹം
നവഖണ്ഡപതിം യതിചിത്തഹരമ്
സുരസങ്ഘനുതം പ്രിയയാ സഹിതം
ഭജ ഗോദ്രുമകാനനകുഞ്ജവിധുമ്॥7॥ |
| |
| |
കലികുക്കുരമുദ്ഗരഭാവധരം
ഹരിനാമമഹൌഷധദാനപരമ്
പതിതാര്തദയാര്ദ്രസുമൂര്തിധരം
ഭജ ഗോദ്രുമകാനനകുഞ്ജവിധുമ്॥8॥ |
| |
| |
രിപുബാന്ധവഭേദവിഹീനദയാ
യദഭീക്ഷ്നമുദേതി മുഖാബ്ജതതൌ
തമകൃഷ്ണമിഹ വ്രജരാജസുതം
ഭജ ഗോദ്രുമകാനനകുഞ്ജവിധുമ്॥9॥ |
| |
| |
ഇഹ ചോപനിഷത്പരിഗീതവിഭുര്
ദ്വിജരാജസുതഃ പുരടാഭഹരിഃ
നിജധാമനി ഖേലതി ബന്ധുയുതോ
ഭജ ഗോദ്രുമകാനനകുഞ്ജവിധുമ്॥10॥ |
| |
| |
അവതാരവരം പരിപൂര്ണകലം
പരതത്ത്വമിഹാത്മവിലാസമയമ്
വ്രജധാമരസാമ്ബുധിഗുപ്തരസം
ഭജ ഗോദ്രുമകാനനകുഞ്ജവിധുമ്॥11॥ |
| |
| |
ശ്രുതിവര്ണധനാദി ന യസ്യ കൃപാ
ജനനേ ബലവദ്ഭജനേന വിനാ
തമഹൈതുകഭാവപഥാ ഹി സഖേ
ഭജ ഗോദ്രുമകാനനകുഞ്ജവിധുമ്॥12॥ |
| |
| |
അപി നക്രഗതൌ ഹ്രദമധ്യഗതം
കമമോചയദാര്തജനം തമജമ്
അവിചിന്ത്യബലം ശിവകല്പതരും
ഭജ ഗോദ്രുമകാനനകുഞ്ജവിധുമ്॥13॥ |
| |
| |
സുരഭീന്ദ്രതപഃപരിതുഷ്ടമനാ
വരവര്ണധരോ ഹരിരാവിരഭൂത്
തമജസ്രസുഖം മുനിധൈര്യഹരം
ഭജ ഗോദ്രുമകാനനകുഞ്ജവിധുമ്॥14॥ |
| |
| |
അഭിലാഷചയം തദഭേദധിയമ്
അശുഭം ച ശുഭം ത്യജ സര്വമിദമ്
അനുകൂലതയാ പ്രിയസേവനയാ
ഭജ ഗോദ്രുമകാനനകുഞ്ജവിധുമ്॥15॥ |
| |
| |
ഹരിസേവകസേവനധര്മപരോ
ഹരിനാമരസാമൃതപാനരതഃ
നതിദൈന്യദയാപരമാനയുതോ
ഭജ ഗോദ്രുമകാനനകുഞ്ജവിധുമ്॥16॥ |
| |
| |
വദ യാദവ മാധവ കൃഷ്ണ ഹരേ
വദ രാമ ജനാര്ദന കേശവ ഹേ
വൃഷഭാനുസുതാപ്രിയനാഥ സദാ
ഭജ ഗോദ്രുമകാനനകുഞ്ജവിധുമ്॥17॥ |
| |
| |
വദ യാമുനതീരവനാദ്രിപതേ
വദ ഗോകുലകാനനപുഞ്ജരവേ
വദ രാസരസായന ഗൌരഹരേ
ഭജ ഗോദ്രുമകാനനകുഞ്ജവിധുമ്॥18॥ |
| |
| |
ചല ഗൌരവനം നവഖണ്ഡമയം
പഠ ഗൌരഹരേശ്ചരിതാനി മുദാ
ലുഠ ഗൌരപദാങ്കിതഗാങ്ഗതടം
ഭജ ഗോദ്രുമകാനനകുഞ്ജവിധുമ്॥19॥ |
| |
| |
സ്മര ഗൌരഗദാധരകേലികലാം
ഭവ ഗൌരഗദാധരപക്ഷചരഃ
ശൃണു ഗൌരഗദാധരചാരുകഥാം
ഭജ ഗോദ്രുമകാനനകുഞ്ജവിധുമ്॥20॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|