|
| |
| |
શ્રી નૃસિંહ કવચ સ્તોત્રમ્  |
| પ્રહલાદ મહારાજ |
| भाषा: हिन्दी | English | தமிழ் | ಕನ್ನಡ | മലയാളം | తెలుగు | ગુજરાતી | বাংলা | ଓଡ଼ିଆ | ਗੁਰਮੁਖੀ | |
| |
| |
નૃસિંહકવચં વક્ષ્યે પ્રહ્લાદેનોદિતં પુરા।
સર્વરક્ષકરં પુન્યં સર્વોપદ્રવનાશનમ્॥1॥ |
| |
| |
સર્વસમ્પત્કરં ચૈવ સ્વર્ગમોક્ષપ્રદાયકમ્।
ધ્યાત્વા નૃસિંહં દેવેશં હેમસિંહાસનસ્થિતમ્॥2॥ |
| |
| |
વિવૃતાસ્યં ત્રિનયનં શરદિન્દુસમપ્રભમ્।
લક્ષ્મ્યાલિઙ્ગિતવામાઙ્ગમ્ વિભૂતિભિરુપાશ્રિતમ્॥3॥ |
| |
| |
ચતુર્ભુજં કોમલાઙ્ગં સ્વર્ણકુણ્ડલશોભિતમ્।
સરોજશોબિતોરસ્કં રત્નકેયૂરમુદ્રિતમ્॥4॥ |
| |
| |
તપ્તકાઞ્ચનસન્કાશં પીતનિર્મલવાસસમ્।
ઇન્દ્રાદિસુરમૌલિષ્ઠઃ સ્ફુરન્ માણિક્યદીપ્તિભિઃ॥5॥ |
| |
| |
વિરાજિતપદદ્વન્દ્વં શઙ્ખચક્રાદિહેતિભિઃ।
ગરુત્મતા ચ વિનયાત્ સ્તૂયમાનં મુદાન્વિતમ્॥6॥ |
| |
| |
સ્વહૃત્કમલસમ્વાસં કૃત્વા તુ કવચં પથેત્।
નૃસિંહો મે શિરઃ પાતુ લોકરક્ષાર્થસમ્ભવઃ॥7॥ |
| |
| |
સર્વગોઽપિ સ્તમ્ભવાસઃ ફલં મે રક્ષતુ ધ્વનિમ્।
નૃસિંહો મે દૃશૌ પાતુ સોમસૂર્યાગ્નિલોચન॥8॥ |
| |
| |
સ્મૃતં મે પાતુ નૃહરિઃ મુનિવાર્યસ્તુતિપ્રિયઃ।
નાસં મે સિંહનાશસ્તુ મુખં લક્ષ્મીમુખપ્રિયઃ॥9॥ |
| |
| |
સર્વવિદ્યાધિપઃ પાતુ નૃસિંહો રસનં મમ।
વક્ત્રં પાત્વિન્દુવદનં સદા પ્રહ્લાદવન્દિતઃ॥10॥ |
| |
| |
નૃસિંહઃ પાતુ મે કણ્ઠં સ્કન્ધૌ ભૂભૃદનન્તકૃત્।
દિવ્યાસ્ત્રશોભિતભુજઃ નૃસિંહઃ પાતુ મે ભુજૌ॥11॥ |
| |
| |
કરૌ મે દેવવરદો નૃસિંહઃ પાતુ સર્વતઃ।
હૃદયં યોગિસાધ્યશ્ચ નિવાસં પાતુ મે હરિઃ॥12॥ |
| |
| |
મધ્યં પાતુ હિરણ્યાક્ષ વક્ષઃકુક્ષિવિદારણઃ।
નાભિં મે પાતુ નૃહરિઃ સ્વનાભિબ્રહ્મસંસ્તુતઃ॥13॥ |
| |
| |
બ્રહ્માણ્ડકોટયઃ કટયાં યસ્યાસૌ પાતુ મે કટિમ્।
ગુહ્યં મે પાતુ ગુહ્યાનાં મન્ત્રાનાં ગુહ્યરૂપદૃક્॥14॥ |
| |
| |
ઊરૂ મનોભવઃ પાતુ જાનુની નરરૂપદૃક્।
જઙ્ઘે પાતુ ધરાભર હર્તા યોઽસૌ નૃકેશરી॥15॥ |
| |
| |
સુરરાજ્યપ્રદઃ પાતુ પાદૌ મે નૃહરીશ્વરઃ।
સહસ્રશીર્ષાપુરુષઃ પાતુ મે સર્વશસ્તનુમ્॥16॥ |
| |
| |
મનોગ્રઃ પૂર્વતઃ પાતુ મહાવીરાગ્રજોઽગ્તિઃ।
મહાવિષ્ણુર્દક્ષિણે તુ મહાજ્વલસ્તુ નૈરૃતઃ॥17॥ |
| |
| |
પશ્ચિમે પાતુ સર્વેશો દિશિ મે સર્વતોમુખઃ।
નૃસિંહઃ પાતુ વાયવ્યાં સૌમ્યાં ભૂષણવિગ્રહઃ॥18॥ |
| |
| |
ર્ઇશાન્યાં પાતુ ભદ્રો મે સર્વમઙ્ગલદાયકઃ।
સંસારભયતઃ પાતુ મૃત્યોર્મૃત્યુર્નૃકેશરી॥19॥ |
| |
| |
ઇદં નૃસિંહકવચં પ્રહ્લાદમુખમણ્ડિતમ્।
ભક્તિમાન્ યઃ પથેનૈત્યં સર્વપાપૈઃ પ્રમુચ્યતે॥20॥ |
| |
| |
પુત્રવાન્ ધનવાન્ લોકે દીર્ઘાયુરુપજાયતે।
યં યં કામયતે કામં તં તં પ્રાપ્નોત્યસંશયમ્॥21॥ |
| |
| |
સર્વત્ર જયમાપ્નોતિ સર્વત્ર વિજયી ભવેત્।
ભૂમ્યન્તરીક્ષદિવ્યાનાં ગ્રહાનાં વિનિવારણમ્॥22॥ |
| |
| |
વૃશ્ચિકોરગસમ્ભૂત વિષાપહરણં પરમ્।
બ્રહ્મરાક્ષસયક્ષાણાં દૂરોત્સારણકારણમ્॥23॥ |
| |
| |
ભુજે વા તલપાત્રે વા કવચં લિખિતં શુભમ્।
કરમૂલે ધૃતં યેન સિધ્યેયુઃ કર્મસિદ્ધયઃ॥24॥ |
| |
| |
દેવાસુરમનુષ્યેષુ સ્વં સ્વમેવ જયં લભેત્।
એકસન્ધ્યં ત્રિસન્ધ્યં વા યઃ પઠેન્ નિયતો નરઃ॥25॥ |
| |
| |
સર્વમઙ્ગલમઙ્ગલ્યં ભુક્તિં મુક્તિં ચ વિન્દતિ।
દ્વાત્રિંશતિસહસ્રાણિ પથેત્શુદ્ધાત્મનાં નૃણામ્॥26॥ |
| |
| |
કવચસ્યાસ્ય મન્ત્રસ્ય મન્ત્રસિદ્ધિઃ પ્રજાયતે।
અનેન મન્ત્રરાજેન કૃત્વા ભસ્માભિર્મન્ત્રાનામ્॥27॥ |
| |
| |
તિલકં વિન્યસેદ્યસ્તુ તસ્ય ગ્રહભયં હરેત્।
ત્રિવારં જપમાનસ્તુ દત્તં વાર્યાભિમન્ત્ર્ય ચ॥28॥ |
| |
| |
પ્રસયેદ્યો નરો મન્ત્રં નૃસિંહધ્યાનમાચરેત્।
તસ્ય રોગઃ પ્રણશ્યન્તિ યે ચ સ્યુઃ કુક્ષિસમ્ભવાઃ॥29॥ |
| |
| |
કિમત્ર બહુનોક્તેન નૃસિંહસદૃશો ભવેત।
મનસા ચિંતિતં યસ્તુ સ તચ્ચાઽપ્નોત્યસંશયં॥30॥ |
| |
| |
ગર્જન્તં ગાર્જયન્તં નિજભુજપતલં સ્ફોટયન્તં હતન્તં
રૂપ્યન્તં તાપયન્તં દિવિ ભુવિ દિતિજં ક્ષેપયન્તમ્ક્ષિપન્તમ્।
ક્રન્દન્તં રોષયન્તં દિશિ દિશિ સતતં સંહરન્તં ભરન્તં
વીક્ષન્તં પૂર્ણયન્તં કરનિકરશતૈર્દિવ્યસિંહં નમામિ॥31॥ |
| |
| |
| ॥ઇતિ શ્રીબ્રહ્માણ્ડપુરાણે પ્રહ્લાદોક્તં શ્રીનૃસિંહકવચં સમ્પૂર્ણમ્॥ |
| |
| |
| |
| हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥हरे कृष्ण हरे कृष्ण कृष्ण कृष्ण हरे हरे। हरे राम हरे राम राम राम हरे हरे॥ |
| |
| |
|