वासुकिस्तक्षकश्चैव कर्कोटकधनंजयौ।
कालियो नहुषश्चैव कम्बलाश्वतरावुभौ॥ ९॥
बाह्यकुण्डो मणिर्नागस्तथैवापूरण: खग:।
वामनश्चैलपत्रश्च कुकुर: कुकुणस्तथा॥ १०॥
आर्यको नन्दकश्चैव तथा कलशपोतकौ।
कैलासक: पिञ्जरको नागश्चैरावतस्तथा॥ ११॥
सुमनोमुखो दधिमुख: शङ्खो नन्दोपनन्दकौ।
आप्त: कोटरकश्चैव शिखी निष्ठूरिकस्तथा॥ १२॥
तित्तिरिर्हस्तिभद्रश्च कुमुदो माल्यपिण्डक:।
द्वौ पद्मौ पुण्डरीकश्च पुष्पो मुद्‍गरपर्णक:॥ १३॥
करवीर: पीठरक: संवृत्तो वृत्त एव च।
पिण्डारो बिल्वपत्रश्च मूषिकाद: शिरीषक:॥ १४॥
दिलीप: शङ्खशीर्षश्च ज्योतिष्कोऽथापराजित:।
कौरव्यो धृतराष्ट्रश्च कुहुर: कृशकस्तथा॥ १५॥
विरजा धारणश्चैव सुबाहुर्मुखरो जय:।
बधिरान्धौ विशुण्डिश्च विरस: सुरसस्तथा॥ १६॥
एते चान्ये च बहव: कश्यपस्यात्मजा: स्मृता:।
मातले पश्य यद्यत्र कश्चित् ते रोचते वर:॥ १७॥